Chinmay Mandlekar : डोक्यावर भळभळती जखम, रक्त वाहत होतं पण..., चिन्मयने 'त्या' अभिनेत्याच्या स्पीरीटला केलं हॅट्स ऑफ;शेअर केला खास किस्सा
Chinmay Mandlekar : चिन्मयने एका नाटकारदरम्यान अभिनेत्याला झालेली जखम आणि त्यानंतरही त्याने सुरु ठेवलेलं नाटक याविषयीची एक किस्सा सांगितला आहे.
Chinmay Mandlekar : अभिनेता चिन्मय मांडलेकर (Chinmay Mandlekar) हा त्याच्या अभिनयाने जितका प्रेक्षकांच्या पसंतीस पडतो तितकाच्या त्याच्या लिखाणामुळेही. सध्या चिन्मयने लिहिलेलं 'गालिब' या नाटकाची जोरदार चर्चा सुरु आहे. याच नाटकाला झी नाट्य गौरव पुरस्कार सोहळ्यात नामांकंन होती. त्यानिमित्ताने चिन्मयने या पुरस्कार सोहळ्याला हजेरी लावली. पण यावेळी चिन्मयने नाटकादरम्यानचा एक किस्सा शेअर केला आहे.
चिन्मयच्या एका नाटकामध्ये अभिनेत्याच्या डोक्याला जखम झाली होती. डोक्यातून रक्त वाहत होतं, पण तरीही त्याने नाटकाचा प्रयोग सुरु ठेवला. चिन्मयने मराठीसह हिंदी सिनेसृष्टीवरही त्याच्या अभिनयाचा ठसा उमटवला आहे. रंगभूमी, मालिकाविश्व, मराठी आणि हिंदी सिनेसृष्टीत चिन्मय त्याच्या अभिनयाने कायमच प्रेक्षकांच्या पसंतीस पडत आलाय.
चिन्मयने सांगितला अभिनेत्याचा तो किस्सा
झी नाट्य गौरव पुरस्कार सोहळ्यादरम्यान चिन्मयची एक मुलाखत घेण्यात आली. यावेळी चिन्मयने त्याच्या एका नाटकादरम्यानचा प्रसंग सांगितला. यावर बोलताना चिन्मय म्हणाला की, 'नाटकाच्या तालमीत किंवा नाटकाच्या प्रयोगांमध्ये अनेक गमतीजमती आणि विनोदी किस्से घडत असतात. पण माझी जी एक आठवण आहे ती माझ्या एका सहकलाकाराबद्दलची आठवण आहे. तो सहकलाकार म्हणजे आपल्या सगळ्यांचा लाडका अभिनेता सिद्धार्थ चांदेकर.'
तरीही तो प्रयोग पुढे घेऊन गेला - चिन्मय मांडलेकर
पुढे बोलताना चिन्मय म्हणाला की, आम्ही ‘मग्न तळ्याकाठी’ या नाटकाचे प्रयोग करत होतो. ते नाटक खूप गाजलं होतं. एका प्रयोगामध्ये सिद्धार्थला ब्लॅकआऊटमध्ये नेमक कुठे जायचं हे कळलं नाही आणि तो स्टेजवरून खाली पडला. त्याच्यानंतर अख्खा प्रयोग त्याच्या डोक्यातून भळभळती जखम वाहत होती आणि ती जखम तशीच घेऊन त्याने पुढचा सगळा प्रयोग पूर्ण केला.तेव्हा आम्हा स्टेजवरच्या लोकांना खूप भीती वाटत होती की सिद्धार्थचं इतक रक्त वाहतंय, कदाचित तो चक्कर येऊनही पडू शकतो. पण अशा अवस्थेत सिद्धार्थने प्रयोग पूर्ण केला आणि प्रेक्षकांची वाहवा मिळवली. तर सिद्धार्थच्या या स्पीरीटसाठी हॅट्स ऑफ.'
View this post on Instagram
ही बातमी वाचा :
महत्त्वाच्या बातम्या
