Cannes Film Festival 2022 : ज्युरींसोबत डिनरला पोहोचली दीपिका पदुकोण, अभिनेत्रीचा ‘कान्स’ लूक होतोय व्हायरल!

Cannes Film Festival 2022 : ‘कान्स फिल्म फेस्टिवल 2022’ हा जगातील महत्त्वाच्या चित्रपट महोत्सवांपैकी एक आहे. यंदाचा हा सोहळा भारतासाठी खूप खास असणार आहे.

deepika padukone

Cannes Film Festival 2022 : कान्स फिल्म फेस्टिव्हल 2022 (Cannes Film Festival 2022 ) मधून बॉलिवूड अभिनेत्री दीपिका पदुकोणचा (Deepika Padukone) फर्स्ट लूक समोर आला आहे. ती ग्रँड हयात कान्स हॉटेल मार्टिनेझ येथे ज्युरी सदस्यांसोबत डिनरसाठी आली होती, तेव्हाचा हा लूक आहे. दीपिका पदुकोण तिच्या या लूकमध्ये सुंदर दिसली आहे. यादरम्यान ती खूपच स्टनिंग दिसत होती.

‘कान्स फिल्म फेस्टिवल 2022’ हा जगातील महत्त्वाच्या चित्रपट महोत्सवांपैकी एक आहे. यंदाचा हा सोहळा भारतासाठी खूप खास असणार आहे, कारण यावेळी दीपिका पदुकोण मुख्य ज्युरीचा भाग बनली आहे. ज्युरीमध्ये सामील होण्यासोबतच ती कान्सच्या रेड कार्पेटवरही तिच्या सौंदर्याचा जलवा दाखवणार आहे. सध्या दीपिका फ्रान्समध्ये ज्युरी म्हणून उपस्थिती लावणार आहे.

दीपिका पदुकोण कान्स लूक

ज्युरी सदस्यांसह हॉटेल मार्टिनेझ येथे रात्रीच्या जेवणासाठी दीपिकाने लुई व्हिटॉनच्या फॉल 2021 कलेक्शनमधील सिक्विन ड्रेसची निवड केली होती. या ड्रेससोबत तिने तपकिरी रंगाचे उंच बूट परिधान केले होते. तिचे मोकळे केस आणि मेकअपही सुंदर दिसत होते.

तिच्यासोबत कान्स फिल्म फेस्टिव्हलचे दिग्दर्शक थियरी फ्रॅमॉक्स, अमेरिकन चित्रपट दिग्दर्शक, ज्युरी सदस्य जेफ निकोल्स, ब्रिटिश अभिनेत्री रेबेका हॉल, आणि इतर ज्युरी सदस्य होते.

दीपिका पदुकोणचा कान्स लूक झाला व्हायरल

दीपिका पदुकोणचा फर्स्ट लूक सोशल मीडियावर व्हायरल झाला आहे. अभिनेत्रीचे चाहते तिचा हा लूक शेअर करत आहेत. कान्स इव्हेंटमध्ये जाण्यापूर्वी दीपिकाने तिच्या इंस्टाग्रामवर एक व्हिडीओ शेअर केला आणि सांगितले की, ती यासाठी किती उत्साहित आहे. तिच्या व्हिडीओमध्ये तिने चाहत्यांना फ्रान्स जर्नीबद्दल सांगितले आहे. या व्हिडीओच्या सुरुवातीला तिने फ्रान्सचे रस्ते, सिग्नल्स, लोक पाण्यात उड्या मारतानाचा दृश्य दाखवली आहेत. याशिवाय, तिच्या फ्लाइटबद्दल सांगताना तिने सांगितले की, हा 11 तासांचा प्रवास होता आणि यात ती पूर्णवेळ झोपली होती. यानंतर ती विमानतळावरून बाहेर पडताना दिसली. व्हिडीओमध्ये तिने पांढऱ्या टी-शर्ट आणि जॅकेटसह ब्लू डेनिम जीन्स परिधान केली होती, ज्यामध्ये ती सुंदर दिसत होती.

हेही वाचा :