Tiger 3: टायगर 3 रिलीज होण्याआधी सलमान आणि कतरिनानं चाहत्यांना केली 'ही' विनंती; म्हणाले, "आम्हाला विश्वास आहे की..."

सलमान खानचा (Salman Khan) 'टायगर 3' (Tiger 3) हा स्पाय थ्रिलर चित्रपट दिवाळीच्या खास मुहूर्तावर चित्रपटगृहांमध्ये प्रदर्शित होण्यासाठी सज्ज आहे.

Tiger 3

Tiger 3:  अभिनेता सलमान खान (Salman Khan) आणि अभिनेत्री कतरिना कैफ (Katrina Kaif) यांचा  'टायगर 3' (Tiger 3) हा चित्रपट उद्या रिलीज होत आहे. सलमान खानचा हा स्पाय थ्रिलर चित्रपट दिवाळीच्या खास मुहूर्तावर चित्रपटगृहांमध्ये प्रदर्शित होण्यासाठी सज्ज आहे. या चित्रपटाची प्रेक्षक उत्सुकतेने वाट बघत आहेत. 'टायगर 3' हा चित्रपट रिलीज होण्याआधी सलमाननं नुकतेच ट्वीट शेअर केलं आहे. 

सलमान खानचं ट्वीट

सलमाननं ट्वीटमध्ये लिहिलं,  "आम्ही टायगर 3 हा चित्रपट खूप उत्कटतेने बनवला आहे. जेव्हा तुम्ही चित्रपट पहाल तेव्हा स्पॉयलरबाबत आम्ही  तुमच्यावर अवलंबून आहोत. स्पॉयलर चित्रपट पाहण्याचा अनुभव खराब करू शकतात. तुम्हाला चित्रपट बघताना तुम्हाला जे योग्य वाटेल ते तुम्ही कराल यावर आम्हाला विश्वास आहे. आम्हाला आशा आहे की टायगर-3 ही आमच्याकडून तुमच्यासाठी दिवाळीची परिपूर्ण भेट आहे!! हिंदी, तमिळ आणि तेलुगूमध्ये उद्या सिनेमागृहात रिलीज होत आहे." सलमाननं या ट्वीटच्या माध्यमातून चित्रपटामधील स्पॉयलर न देण्याची विनंती चाहत्यांना दिली आहे.

We have made #Tiger3 with a lot of passion & we are counting on you to protect our spoilers when you see the film. Spoilers can ruin the movie-watching experience. We trust you to do what is right. We hope #Tiger3 is the perfect Diwali gift from us to you!! Releasing in cinemas…

— Salman Khan (@BeingSalmanKhan) November 11, 2023

कतरिनाची पोस्ट

कतरिनानं देखील पोस्ट शेअर करुन प्रेक्षकांना चित्रपटामधील स्पॉयलर न देण्याची विनंती केली आहे.  'टायगर 3' चित्रपटामधील कथानकाचे टीविस्ट आणि सरप्राईज हे चित्रपट पाहण्याचा अनुभव आणखी चांगला बनवतात! म्हणून, आम्ही तुम्हाला विनंती करतो की, कोणतेही स्पॉयरल देऊ नका. आमच्या चित्रपटाचे रक्षण करण्याची शक्ती तुमच्या हातात आहे, जेणेकरून चित्रपट लोकांचे मनोरंजन करु शकेल. धन्यवाद आणि दिवाळीच्या शुभेच्छा"

 'एक था टायगर', 'टायगर जिंदा है', 'वार' आणि 'पठाण'  या चित्रपटानंतर आता  YRF च्या स्पाय युनिव्हर्समधील 'टायगर 3' हा पाचवा चित्रपट   प्रेक्षकांच्या भेटीस येण्यास सज्ज झाला आहे. चित्रपटामधील 'लेके प्रभू का नाम' आणि  रुआं  या गाण्यांना प्रेक्षकांची पसंती मिळत आहे.

संबंधित बातम्या