'पश्चिम बंगाल सरकार हे सत्य...'; पश्चिम बंगाल पोलिसांनी कायदेशीर नोटीस पाठवल्यानंतर 'द डायरी ऑफ वेस्ट बंगाल' च्या दिग्दर्शकाची प्रतिक्रिया

'द डायरी ऑफ वेस्ट बंगाल' (The Diary of West Bengal) या चित्रपटाचे दिग्दर्शक सनोज मिश्रा यांनी पश्चिम बंगाल पोलिसांनी कायदेशीर नोटीस पाठवली आहे.

The Diary of West Bengal

The Diary of West Bengal:  ‘द डायरी ऑफ वेस्ट बंगाल’ (The Diary of West Bengal) हा चित्रपट रिलीज होण्याआधीच वादाच्या भोवऱ्यात अडकला आहे.  चित्रपटाच्या दिग्दर्शकाला पश्चिम बंगाल पोलिसांनी कायदेशीर नोटीस पाठवली आहे.  यासंपूर्ण प्रकरणावर आता लेखक-दिग्दर्शक सनोज मिश्रा यांनी यांनी प्रतिक्रिया दिली आहे.

लेखक-दिग्दर्शक सनोज मिश्रा यांनी  'द डायरी ऑफ वेस्ट बंगाल' या चित्रपटाद्वारे पश्चिम बंगाल राज्याची बदनामी केल्याचा आरोप करत  सनोज यांच्याविरुद्ध एफआयआर दाखल करण्यात आला आहे. तसेच सनोज यांना पोलिसांनी नोटिस देखील पाठवली आहे, याबाबत सनोज मिश्रा यांनी एबीपी न्यूजला दिलेल्या मुलाखतीमध्ये सांगितले. 

सनोज मिश्रा यांनी एबीपी न्यूजला सांगितले की, त्यांना मिळालेल्या एफआयआरवरून हे दिसून येते की, पश्चिम बंगाल सरकार हे सत्य बाहेर येण्यापासून कसे घाबरले आहे? आणि ते सत्य दडपण्याचा प्रयत्न करत आहेत.

सनोज मिश्रा यांनी असेही सांगितले आहे की, 'मला याची भिती वाटत आहे की,  मला अटक करुन नंतर मला मारुन टाकतील.' सनोज मिश्रा यांनी सांगितले की, ते 30 मे रोजी कोलकाता येथे जाणार असून ते तपासात पोलिसांना पूर्ण सहकार्य करणार आहेत.  

दीड वर्षांच्या संशोधनानंतर हा चित्रपट बनवला असून, केवळ पश्चिम बंगाल सरकारच नाही, तर पश्चिम बंगालमधील मुस्लिमांना खूश करण्यासाठी आजतागायत जे तुष्टीकरण होत आहे, ते या चित्रपटात मांडण्यात आल्याचं  सनोज यांनी सांगितले.

पुढे सनोज म्हणाले की, 'मी एक इंडिपेंडेंट  चित्रपट निर्माता आहे, कोणत्याही विषयावर चित्रपट बनवणे हा माझा मूलभूत अधिकार आहे आणि उद्या मी गोधरा (गुजरात) दंगलीवर चित्रपट बनवू शकतो.'

काही दिवसांपूर्वी लखनऊमध्ये 'द डायरी ऑफ वेस्ट बंगाल' या चित्रपटाच्या ट्रेलर लॉन्चवेळी निर्माता जितेंद्र नारायण सिंह म्हणाले होते की, गेल्या काही वर्षांत पश्चिम बंगालमधील परिस्थिती अत्यंत धोका दायक बनत चालली आहे.  जितेंद्र त्यागी उर्फ ​​वसीम रिझवी यांनी देखील त्यावेळी पश्चिम बंगालमधील सरकारबाबत वक्तव्य केलं होतं. 

दिग्दर्शक सनोज मिश्रा यांना 30 मे रोजी दुपारी 12 वाजता या प्रकरणाचे तपास अधिकारी सुभब्रत कार यांच्यासमोर चौकशीसाठी पोलीस ठाण्यात हजर राहावे लागणार आहे. 'द डायरी ऑफ वेस्ट बंगाल' या चित्रपटाबाबत पश्चिम बंगाल पोलिसांनी आयपीसीच्या कलम  120(B), 153A, 501, 504, 505, 295 A, आयटी अॅक्ट कलम   66 D, 84B  आणि सिनेमॅटोग्राफी कायद्याच्या कलम 7 अंतर्गत एफआयआर नोंदवला आहे.ऑगस्ट 2023 मध्ये  'द डायरी ऑफ वेस्ट बंगाल' हा चित्रपट प्रेक्षकांच्या भेटीस येणार आहे, असं म्हटलं जात आहे. 

महत्वाच्या इतर बातम्या: