Telly Masala : 'मुंज्या'ची 100 कोटींच्या क्लबमध्ये एन्ट्री ते 12 वर्षांनी मोठ्या असलेल्या अभिनेत्याला डेट करतेय दिशा? जाणून घ्या मनोरंजनसृष्टीसंबंधित महत्त्वाच्या बातम्या

Telly Masala : मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Telly Masala : मनोरंजनसृष्टी पुन्हा बहरली आहे. वेगवेगळ्या दर्जाची नाटकं (Drama), मालिका (Serial), चित्रपट (Movies) आणि वेब सीरिज (Web Series) प्रेक्षकांच्या भेटीला येत आहेत. जगभरातील प्रेक्षकांना मराठीसह विविध कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मनोरंजनसृष्टीसंबंधित बातम्या...

Disha Patani : 12 वर्षांनी मोठ्या असलेल्या अभिनेत्याला डेट करतेय दिशा? टॅटूमुळे चर्चांना उधाण

Disha Patani :  दिशा पटानी (Disha Patani) बॉलिवूडमधील सर्वात सुंदर असलेल्या अभिनेत्रीपैकी एक आहे. दिशा ही फिटनेसबाबतही चांगली सजग असते. दिशा पटानी आपल्या चित्रपटांसोबत खासगी गोष्टींसाठीही चर्चेत असते. दिशाची भूमिका असलेला 'कल्की 2898 एडी'हा चित्रपट प्रदर्शित झाला आहे. तिच्या कामाचे कौतुक सुरू असताना आता दुसरीकडे तिच्या अफेअरच्याही चर्चा रंगू लागल्या आहेत. दिशा आपल्यापेक्षा वयाने 12 वर्ष मोठ्या असलेल्या अभिनेत्याला डेटिंग करत असल्याची चर्चा सुरू आहे. 

 

Parna Pethe : नवीन कलाकारांच्या फौजेत कसलेल्या अभिनेत्रीची दमदार भूमिका, 'विषय हार्ड' सिनेमातून पर्ण पेठे येणार प्रेक्षकांच्या भेटीला

Parna Pethe : रमा माधव, वायझेड, फास्टर फेणे, मिडियम स्पायसी या सिनेमांमधून प्रेक्षकांच्या भेटीला आलेली अभिनेत्री पर्ण पेठे (Parna Pethe) ही प्रेक्षकांच्या भेटीला आली. त्यानंतर पर्ण ही काहीशी रंगभूमीवर रमली असल्याचं पाहायला मिळालं. पण आता पुन्हा एकदा पर्ण मोठ्या पडद्यावरील प्रेक्षकांच्या भेटीला येणार आहे. 'विषय हार्ड' (Vishay Hard) या सिनेमात पर्ण महत्त्वाची भूमिका साकारत आहे. विशेष म्हणजे नवीन कलाकारांच्या फौजेत पर्ण प्रेक्षकांच्या भेटीस येत आहे. 

Me Honar Superstar : महागुरु सचिन पिळगांवकर पुन्हा एका होणार सुरांचे परीक्षक, मी होणार सुपरस्टार कार्यक्रमाचं तिसरं पर्व भेटीसाठी सज्ज 

Me Honar Superstar- Chhote Ustaad 3 :  स्टार प्रवाहवरील (Star Pravah) 'मी होणार सुपरस्टार छोटे उस्ताद'च्या दोन्ही पर्वांना उदंड प्रतिसाद मिळाला. त्यानंतर आता या लोकप्रिय कार्यक्रमाचं तिसरं पर्वही लवकरच प्रेक्षकांच्या भेटीला येणार आहे. महाराष्ट्राच्या कानाकोपऱ्यातून आलेले  4 ते 14 या वयोगटातील छोटे उस्ताद आपल्या सुरांनी संपूर्ण महाराष्ट्राला वेड लावणार आहेत. पहिल्या पर्वाप्रमाणे या पर्वातही जजच्या भूमिकेत दिसतील सुप्रसिद्ध अभिनेते, निर्माते, दिग्दर्शक आणि गायक सचिन पिळगावकर (Sachin Pilgaonkar), लोकप्रिय गायिका वैशाली सामंत (Vaishali Samant) आणि तरुणाईचा लाडका गायक आदर्श शिंदे (Aadarsha Shinde) असणार आहेत. 

 

Ketaki Chitale : राहुल गांधींच्या संसदेतील वक्तव्यावर केतकी चितळे संतापली, दातओठ खात म्हणाली, 'आमचे देव हिंदू...'

Ketaki Chitale : लोकसभेच्या निकालानंतर संसदेच्या अधिवेशनाला सुरुवात झाली. या अधिवेशनामध्ये सत्ताधारी आणि विरोधक यांच्यामध्ये बरीच खडाजंगी होत आहे. त्यातच लोकसभेचे विरोधी पक्षनेते आणि काँग्रेसेचे खासदार राहुल गांधी (Rahul Gandhi) यांनी लोकसभेत हिंदुत्वाच्या मुद्द्यावरुन सत्ताधारी पक्षांवर जोरदार निशाणा साधला. त्यावर सत्ताधाऱ्यांकडूनही राहुल गांधी यांना चोख उत्तर देण्यात आलं. पण या सगळ्यावर गोंधळावर अभिनेत्री केतकी चितळे (Ketaki Chitale) हिची पोस्ट सध्या चर्चेत आली आहे. 

 

Munjya Box Office Collection Day 25 : 'मुंज्या'नं बॉक्स ऑफिसला झपाटलं; 100 कोटींच्या क्लबमध्ये झोकात एन्ट्री, मराठमोळ्या आदित्यचा बॉलिवूडमध्ये डंका

Munjya Box Office Collection Day 25 :  आदित्य सरपोतदार (Adiytya Sarpotdar) दिग्दर्शित, शर्वरी वाघ (Sharvari Wagh) आणि अभय वर्मा (Abhay Varma) यांची मुख्य भूमिका असलेला हॉरर कॉमेडी चित्रपट 'मुंज्या'ने (Munjya)  झोकात 100 कोटींच्या क्लबमध्ये स्थान मिळवले आहे. कमी बजेटमध्ये निर्मिती, कोणताही मोठा चेहरा नसताना मुंज्याने चौथ्या आठवड्यातच 100 कोटींच्या क्लबमध्ये एन्ट्री घेतली आहे. 

 

Taimur Playing Cricket at Lords : तैमूरचं आजोबांच्या पावलावर पाऊल, लॉर्डसमध्ये गिरवले क्रिकेटचे धडे; पाहा तुफान फटकेबाजीचा VIDEO

Saif Ali Khan Kareena Kapoor son Taimur : बॉलिवूडचा नवाब अभिनेता सैफ अली खान (Saif Ali Khan) याला फक्त बॉलिवूडची पार्श्वभूमी नसून क्रिकेटशीदेखील जवळचा संबंध आहे. सैफ अली खानचे वडील मन्सूर अली पतौडी हे भारतीय क्रिकेट संघाचे दिग्गज फलंदाज होते. आता, सैफ-करीनाचा मुलगा तैमूर आता आपल्या आजोबांच्या पावलावर पाऊल ठेवत असल्याचे दिसतेय. तैमूरने क्रिकेटची पंढरी समजल्या जाणाऱ्या लॉर्ड्सवर फलंदाजी प्रशिक्षणाचे धडे गिरवले आहे. तैमूरच्या फलंदाजीचा व्हिडीओ व्हायरल होत आहे.