Man Zhala Malhari TDM Song: भाऊराव कऱ्हाडेंच्या 'टीडीएम' मधील 'मन झालं मल्हारी' गाणं झालं रिलीज; पृथ्वीराज आणि कालिंदीचा रोमँटिक अंदाज

'मन झालं मल्हारी' (Man Zhala Malhari) या गाण्यात अभिनेता पृथ्वीराज आणि अभिनेत्री कालिंदी यांचा रोमँटिक अंदाज बघायला मिळत आहे .

Man Zhala Malhari TDM Song

Man Zhala Malhari TDM Song: सध्या प्रेक्षकांमध्ये रोमँटिक गाण्यांची क्रेझ जरा जास्तच पाहायला मिळतेय. अशातच 'टीडीएम' (TDM Marathi Movie) या चित्रपटातील  दुसरे रोमँटिक गाणं रिलीज झालं आहे. 'मन झालं मल्हारी' असं गाण्याचं नाव असून या गाण्यात अभिनेता पृथ्वीराज आणि अभिनेत्री कालिंदी यांचा रोमँटिक अंदाज बघायला मिळत आहे . 

'मन झालं मल्हारी' या गाण्यातून चित्रपटातील हिरो आणि  हिरोईनचा रोमँटिक अंदाज पाहणं लक्षवेधी ठरत आहे. प्रेम हा प्रत्येकाच्या आयुष्यातील जिव्हाळ्याचं विषय असला तरी प्रेयसी आणि प्रियकराची प्रेमाची व्याख्या ही इतर नात्यातील प्रेमापेक्षा काहीशी निराळीच असते, याच हुबेहूब वर्णन या गाण्यात करण्यात आलं आहे. प्रेयसी आणि प्रियकराच एकमेकांवर असलेलं प्रेम अगदी अचूक हेरत या गाण्यातून मांडलंय. 'टीडीएम' चित्रपटातील 'एक फुल' हे गाणं आज ट्रेंडिंगमध्ये आहेच आता 'मन झालं मल्हारी' हे गाणं देखील प्रेक्षकांची मनं जिंकण्यास सज्ज झालं आहे. 

पाहा गाणं: 

'मन झालं मल्हारी' या रोमँटिक गाण्याच्या संगीताची जबाबदारी संगीतकार वैभव शिरोळे याने पेलवली आहे. तर गाण्याच्या ओळी कुणाल गायकवाड आणि वैभव शिरोळे यांनी शब्दबद्ध केल्या आहेत. प्रसिद्ध पार्श्वगायिका आनंदी जोशी आणि वैभव शिरोळे यांनी त्यांच्या सुमधुर आवाजाने या गाण्याला चारचाँद लावले आहेत. 'टीडीएम' चित्रपटातील नवखे चेहरे म्हणजेच अभिनेता पृथ्वीराज आणि अभिनेत्री कालिंदीने या गाण्यावर धरलेला ठेका धराला आहे. हे नवखे कलाकार आहेत हे बोलणंच मुळात चुकीचं वाटतंय इतकी निरागसता, इतकी समज त्यांच्या भूमिकेत दिसत असून ही किमया नामवंत दिग्दर्शक भाऊराव कऱ्हाडेंची  (Bhaurao Karhade)  आहे, असं म्हणणं वावगं ठरणार नाही. 

'चित्राक्ष फिल्म्स' आणि ' स्माईल स्टोन स्टुडिओ' प्रस्तुत 'टीडीएम' चित्रपटाच्या निर्मितीची आणि दिग्दर्शनाची धुरा भाऊराव नानासाहेब कऱ्हाडे यांनी पेलवली आहे. 'ख्वाडा' आणि 'बबन' चित्रपटाच्या अभूतपूर्व यशानंतर एक आगळावेगळा विषय ते या चित्रपटातून मांडणार आहेत. 'ख्वाडा' आणि 'बबन'  चित्रपटातील गाणी तर आजही लोकांना भुरळ पाडतायत यातच आता भर घालत 'टीडीएम' चित्रपटातील गाणीही प्रेक्षकांच्या मनाचा ठाव घेतील यांत शंका नाही. 28 एप्रिल 2023 ला हा चित्रपट संपूर्ण महाराष्ट्रात रिलीज होणार आहे.

वाचा इतर महत्वाच्या बातम्या: