पंतप्रधान मोदींना मागे टाकून सुशांत बनला मोस्ट सर्च सेलिब्रिटी, रिया चक्रवर्ती तिसऱ्या स्थानावर!

सर्च इंजिन याहूच्या 'मोस्ट सर्च सेलिब्रिटी'च्या यादीत सुशांत सिंह पहिल्या स्थानावर आहे. सर्वाधिक सर्व केलेल्या व्यक्तींच्या यादीत त्याने पंतप्रधान मोदींनाही मागे टाकलं. 2017 नंतर पहिल्यांदाच पंतप्रधान मोदींनी या यादीत पहिलं स्थान मिळवलेलं नाही.तर रिया चक्रवर्ती ही सर्वाधिक सर्च केलेली अभिनेत्री ठरली आहे. या यादीत मुख्यमंत्री उद्धव ठाकरे, राहुल गांधी, अरविंद केजरीवाल यांचाही समावेश आहे.

मुंबई : सर्च इंजन 'याहू'ने दरवर्षीप्रमाणे यंदाही भारतात सर्वाधिक सर्च केलेल्या नावांची यादी जाहीर केली आहे. याहूच्या यादीनुसार 2020 मध्ये लोकांनी दिवंगत बॉलिवूड अभिनेता सुशांत सिंह राजपूतला सर्वाधिक सर्च केलं आहे. तर त्याची गर्लफ्रेण्ड अभिनेत्री रिया चक्रवर्ती सर्वात जास्त सर्च असलेली महिला सेलिब्रिटी ठरली आहे. यावर्षी जून महिन्यात आपल्या राहत्या घरी मृतवस्थेत सापडेलला सुशांत भारतात सर्वाधिक सर्च केलेल्या म्हणून समोर आलं आहे. तर या वर्षातील पहिल्या 10 जणांमध्ये राजकीय व्यक्तींचा सर्वाधिक समावेश आहे.

2017 नंतर हे पहिलंच वर्ष आहे जेव्हा पंतप्रधान मोदींनी या यादीत पहिलं स्थान मिळवलेलं नाही. यावर्षी पंतप्रधान मोदी दुसऱ्या स्थानावर आहे. तर तिसऱ्या क्रमांकावर रिया चक्रवर्ती आहे. तिच्यानंतर राहुल गांधी, अमित शाह, उद्धव ठाकरे, अरविंद केजरीवाल, ममता बॅनर्जी, अमिताभ बच्चन आणि कंगना रनौत यांचा नंबर लागतो.

सुशांत सिंह राजपूत 'मोस्ट सर्च मेल सेलेब्रिटी' श्रेणीमध्ये अव्वल स्थानावर आहे. यानतंर अमिताभ बच्चन, अक्षय कुमार, सलमान खान, इरफान खान आणि ऋषी कपूर आहेत.

तर रिया चक्रवर्ती यंदाची 'मोस्ट सर्च फीमेल सेलिब्रिटी'च्या यादीत प्रथम क्रमांकावर आहे. 2020 मधील 'टॉप न्यूजमेकर्स'च्या बाबतीत पंतप्रधान नरेंद्र मोदी पहिल्या स्थानावर आहेत. तर सुशांत आणि रिया संयुक्तरित्या दुसऱ्या स्थानावर आणि राहुल गांधी तिसऱ्या स्थानावर आहेत.

अभिनेता सोनू सूदला या श्रेणीत विशेष स्थान मिळालं आहे. त्याची 'हीरो ऑफ द इयर' म्हणून निवड झाली आहे. कोरोना महामारीमध्ये परप्रांतिय मजूर तर स्थलांतरित लोकांना त्यांच्या घरी पोहोचवण्यासाठी त्याने केलेल्या प्रयत्नांचं कौतुक झालं होतं.