Stree 2 : 'स्त्री 2' मधून राजकुमार रावचा मजेदार सीन हटवला, चाहते नाराज; म्हणाले, "विक्की प्लीज..."

Stree 2 Movie : 'स्त्री 2' चित्रपट सध्या बॉक्स ऑफिसवर चांगलाच धुमाकूळ घालत आहे. अभिनेता राजकुमार राव, श्रद्धा कपूर आणि पंकज त्रिपाठी यांच्यासह इतर स्टार्सची भूमिका असलेल्या या चित्रपटाने चाहत्यांची मनं जिंकली आहे. दरम्यान, स्त्री 2 या चित्रपटातील एक सीन फायनल कटमध्ये काढून टाकण्यात आला होता. आता राजकुमार रावने या सीनची झलक चाहत्यांसोबत शेअर केली आहे. या सीनमधील राजकुमारचा फोटो पाहून चाहत्यांची उत्कंठा शिगेला पोहोचली असून त्यांना हा सीन रिलीज करण्याची मागणी केली आहे.

'स्त्री 2' मधून राजकुमार रावचा मजेदार सीन हटवला

स्त्री 2 चित्रपटातील (Stree 2 Movie) अभिनेता राजकुमार रावचा (Rajkumar Rao) एक सीन दाखवण्यात आलेला नाही, त्याचा सीन कट करण्यात आला आहे. आता राजकुमार रावने सोशल मीडियावर या सीनची एक झलक शेअर केली आहे. या सीनमधील एक फोटो शेअर करत त्याने चाहत्यांना विचारलं आहे की, त्यांना हा सीन पाहण्याची इच्छा आहे का? दरम्यान, या सीनमधील राजकुमार रावचा गेटअप पाहिल्यानंतर सर्वांनाच धक्का बसला आहे. राजकुमार रावचा आगळावेगळा लूक पाहून प्रेक्षकांची उत्सुकता आणखीनच वाढली आहे.

राजकुमार रावने शेअर केला खास फोटो

राजकुमार रावने मंगळवारी इन्स्टाग्रामवर स्वतःचा एक फोटो शेअर केला आहे. या फोटोमध्ये, तो एका मुलीच्या लूकमध्ये दिसत आहे. राजकुमारने मुलीचे कपडे आणि विग घातलेला फोटो चाहत्यांसोबत शेअर केला आहे. मिनी स्कर्ट आणि चमकदार लाल टॉप घातलेला राजकुमारचा फोटो पाहून तुम्हीही क्षणभर थक्क व्हाल. दुसऱ्या फोटोमध्ये तो दिग्दर्शक अमर कौशिकसोबत त्याच पोज देताना दिसत आहे.

राजकुमार रावचा आगळावेगळा लूक

 

 

 

 

 

View this post on Instagram

 

 

 

 

 

 

 

 

 

 

 

A post shared by RajKummar Rao (@rajkummar_rao)

चाहते म्हणाले, "विक्की प्लीज..."

फोटो शेअर करताना राजकुमार रावने कॅप्शनमध्ये लिहिलं की, 'स्त्री 2' चित्रपटातील माझा सर्वात आवडता आणि मजेदार सीन, जो फायनल कटमध्ये आला नाही. तुम्हाला चित्रपटातील हा सीन बघायचा आहे का? तुम्ही सांगा.' यासोबतच त्यांनी अमर कौशिक यांनाही पोस्टमध्ये टॅग केलं आहे. राजकुमार रावने हा फोटो शेअर करताच त्याच्या चाहत्यांचा उत्साह शिगेला पोहोचला असून आणि कमेंट्सचा पूर आला आहे.

हा सीन दाखवण्याची चाहत्यांची मागणी

राजकुमार रावची 'स्त्री 2' को-स्टार श्रद्धा कपूरने लिहिले, 'होय! विकी प्लीज टाकून घे. अभिनेता विजय वर्माने लिहिलं आहे, 'हाहाहा, मी हे पाहण्यासाठी पैसे देईन.' चित्रपट निर्माते गुनीत मोंगाने लिहिलंय, 'होय, मी सीन पाहण्यासाठी पैसे देईन.' भूमी राजगोरने प्रतिक्रिया देत लिहिलंय, 'जेव्हा या सीनचं शूटींग सुरु होतं, तेव्हा मी हे पाहिलं आहे. तो माझा आवडता सीन होता. हिल तुटणे आणि विग फाईट'. आता चाहत्यांनाही हा सीन पाहण्याची उत्सुकता लागली असून ओटीटीवर हा सीन रिलीज करणय्याची मागणी केली आहे.