(Source: ECI/ABP News/ABP Majha)
Jiah Khan: जिया खान मृत्यू प्रकरणातून निर्दोष मुक्तता झाल्यानंतर सूरज पांचोलीची पहिली प्रतिक्रिया; म्हणाला...
सूरजनं (Sooraj pancholi) जिया खान (Jiah Khan) मृत्यू प्रकरणातून निर्दोष मुक्तता झाल्यानंतर आता एक पोस्ट सोशल मीडियावर शेअर केली आहे.
Jiah Khan: अभिनेत्री जिया खान (Jiah Khan) हिच्या मृत्यू प्रकरणी आज विशेष सीबीआय कोर्टानं आपला निकाल जाहीर केला आहे. या प्रकरणातून अभिनेता सूरज पंचोलीची (Sooraj pancholi) निर्दोष मुक्तता झाली आहे. सूरजनं या प्रकरणातून निर्दोष मुक्तता झाल्यानंतर आता एक पोस्ट सोशल मीडियावर शेअर केली आहे. या पोस्टच्या माध्यमातून त्यानं प्रतिक्रिया दिली आहे.
जिया खान मृत्यू प्रकरणातून निर्दोष मुक्त झाल्यानंतर सूरजनं सोशल मीडियावर एक पोस्ट शेअर केली आहे. या पोस्टमध्ये त्यानं लिहिलं, 'सत्याचा नेहमी विजय होतो.' या पोस्टमध्ये त्यानं ' हॅशटॅग गॉड इज ग्रेट' असंही लिहिलं आहे. सूरजच्या या पोस्टनं अनेकांचे लक्ष वेधले आहे. जिया खानच्या आईनं सूरजवर अनेक गंभीर आरोप केले होते. आता जिया खान मृत्यू प्रकरणातून सूरजची निर्दोष मुक्तता झाली आहे.
सूरजची पोस्ट
सूरजची निर्दोष मुक्तता झाल्यानंतर जिया खानची आई राबिया खाननं सांगितलं,'जिया खानला आत्महत्येसाठी प्रवृत्त करण्यात आल्याचा आरोप फेटाळण्यात आला. या प्रकरणाचा निकाल आज लागला. पण मग माझ्या मुलीचा मृत्यू कशामुळे झाला? हा प्रश्न निर्माण होतो. मृत्यूचं कारण अद्याप स्पष्ट झालं नाही. मी सुरुवातीपासून सांगितलं आहे की, हे प्रकरण हत्येचे आहे. आम्ही उच्च न्यायालयात जाणार आहोत.'
3 जून 2013 रोजी जिया खानने मुंबईतील तिच्या अपार्टमेंटमध्ये आत्महत्या केली. जिया खानच्या घरात सहा पानांची सुसाईड नोट सापडली. या सुसाईड नोटमध्ये जियानं सूरजवर अत्याचार, फसवणूक आणि खोटे बोलणे यासह अनेक गंभीर आरोप करण्यात आले होते. जिया खानची आई राबिया खान यांनी देखील सूरजवर काही गंभीर आरोप केले होते.
सूरज पांचोलीनं या चित्रपटांमध्ये केलं काम
सूरजनं 2015 मध्ये रिलीज झालेल्या हिरो या चित्रपटामधून अभिनयक्षेत्रात पदार्पण केलं. टाइम टू डान्स, हवा सिंह या चित्रपटामध्ये देखील सूरजनं काम केलं. गुजारिश, एक था टायगर यांसारख्या चित्रपटांचा सूरज हा असिस्टंट डायरेक्टर होता.
View this post on Instagram
जियानं वयाच्या 18 व्या वर्षी राम गोपाल वर्मा यांच्या 'निशब्द' या चित्रपटामधून अभिनयक्षेत्रात पदार्पण केले. हा चित्रपट 2007 मध्ये रिलीज झाला.
इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
