(Source: ECI/ABP News/ABP Majha)
Viral Video : सिंगापूरच्या 'टिकटॉक'वर करीनाच्या 'बोले चुडिया'ची धमाल, डान्स होतोय व्हायरल
करीना कपूरच्या (Kareena Kapoor) 'बोले चुडिया' या गाण्यावरच्या स्टेप्सवर सिंगापूरच्या टिकटॉकर्सनी (TikTok) गमतीशीर डान्स केला आहे. त्यांचा हा व्हिडीओ चांगलाच व्हायरल होतोय.
मुंबई : भारतात एकेकाळी टिकटॉकची (TikTok) एवढी क्रेझ होती की लहान म्हणू नका की म्हातारे, प्रत्येकजण आपापल्या 'अंगातली कला' दाखवायला आसुसलेला असायचा. कोणीही उठायचा आणि टिकटॉक व्हिडीओ अपलोड करायचा. यातून अनेक टिकटॉक स्टार्सही निर्माण झाले. कालांतराने भारतात टिकटॉकवर बंदी आणण्यात आली आणि या लोकांचा हिरमोड झाला. पण जगभरात मात्र टिकटॉक अजूनही गोंधळ घालताना दिसतंय. आता हेच पहा की, सिंगापूरमध्ये करीना कपूरच्या 'बोले चुडिया' या गाण्यावर तिथल्या टिकटॉक व्हिडीओ बनवणाऱ्या मुलांनी डान्स केला असून तो व्हिडीओ चांगलाच व्हायरल होताना दिसतोय.
'कभी खुशी कभी गम' हा हिंदी चित्रपट कथानक आणि त्यातील गाण्यांमुळे आजही तितकाच प्रसिद्ध आहे. त्यामधील करीना कपूर आणि ऋतिक रोशनवर चित्रित झालेले 'बोले चुडिया' या गाण्याने तर अनेकांना वेड लावलं होतं. पण हे वेड केवळ भारतातच नव्हे तर जगभरातल्या लोकांना लागलं होतं, आणि ते आजही कायम आहे.
सिंगापूरच्या टिकटॉक व्हिडीओ बनवणाऱ्या काही मुलांनी एकत्र येत या गाण्यावर धमाल डान्स केला आहे. अगदी या गाण्यात ज्या प्रकारच्या स्टेप्स आहेत त्याच प्रकारच्या स्टेप्स या मुलांनी केल्या आहेत. आता हा व्हिडीओ चांगलाच व्हायरल होत असून त्याचं अनेकांनी कौतुकही केलं आहे. या व्हिडीओत अगदी हुबेहुब स्टेप्स करण्यात आल्या आहेत.
Tik Tok, a gift that keeps on giving. pic.twitter.com/4XPQaJBbRl
— christopher koulumbus (@shivillex) November 5, 2021
हा व्हिडीओ ट्विटरवर चांगलाच व्हायरल होत असून तो दोन लाखाहून अधिक लोकांनी पाहिला आहे. तसेच त्याला 20 हजाराहून अधिक लोकांना लाईक केलं असून पाचशेहून अधिक कमेन्ट्स आल्या आहेत.
महत्वाच्या बातम्या :
महत्त्वाच्या बातम्या
ट्रेंडिंग न्यूज
