Sidharth Shukla : सिद्धार्थ शुक्लाचं शेवटचं गाणं 'Jeena Zaroori Hai' रिलीज; चाहते भावूक

Sidharth Shukla : सिद्धार्थ शुक्लाचं 'जिना जरुरी हैं' हे शेवटचं गाणं प्रेक्षकांच्या भेटीला आलं आहे.

Sidharth Shukla

Sidharth Shukla : छोटा पडदा गाजवलेला आणि बिग बॉस 13 (Bigg Boss 13) चा विजेता सिद्धार्थ शुक्लाच्या (Siddharth Shukla) निधनाने चाहत्यांना मोठा धक्का बसला होता. आता सिद्धार्थ शुक्लाचं शेवटचं गाणं प्रेक्षकांच्या भेटीला आलं आहे. 'जिना जरुरी हैं' ( Jeena Zaroori Hai) असे या गाण्याचे नाव आहे. हे गाणं ऐकून सिद्धार्थचे चाहते भावूक झाले आहेत. 

'जिना जरुरी हैं' या गाण्यात सिद्धार्थसोबत अभिनेत्री दीपिका त्रिपाठीदेखील (Deepika Tripathi) दिसून येत आहे. तसेच बिग बॉस स्पर्धक विशाल कोटियानदेखील (Vishal Kotian) दिसत आहे. विशाल कोटियान 'जिना जरुरी हैं' या गाण्यात सिद्धार्थच्या भावाच्या भूमिकेत दिसत आहे. या गाण्यात एक लव्ह स्टोरी दाखवण्याचा प्रयत्न करण्यात आला आहे. 

सिद्धार्थचे 'जिना जरुरी हैं' हे गाणं त्याच्या चाहत्यांच्या पसंतीस उतरत आहे. या गाण्याचे शूटिंग ओडिसामध्ये झालं आहे. एका मुलीच्या प्रेमात पडणाऱ्या दोन भावांची गोष्ट 'जिना जरुरी हैं' या गाण्यात दाखवण्यात आली आहे. हे गाणं रिलीज झाल्यापासून या गाण्याला प्रेक्षकांचा उत्तम प्रतिसाद मिळत आहे. गाणं रिलीज झाल्याच्या काही तासांतच गाण्याला लाखो व्ह्यूज मिळाले आहेत. 

गाण्यात सिद्धार्थच्या फोटोला हार घालत असतानाचा शॉर्ट घेण्यात आला आहे. हा शॉर्ट पाहून चाहते आणखीनच भावूक झाले आहेत. सोशल मीडियावर हे गाणं चांगलचं व्हायरल होत आहे. एका सीनमध्ये भिंतीवर लटकलेल्या सिद्धार्थच्या फोटोकडे पाहून दीपिका ढसाढसा रडताना दिसत आहे. 

'जिना जरुरी हैं' या सिद्धार्थच्या शेवटच्या गाण्याने काही चाहते भावूक झाले आहेत. तर काहींना हे गाणं आवडलेलं नाही. या गाण्याच्या माध्यमातून सिद्धार्थचे चाहते पुन्हा एकदा सिद्धार्थच्या आठवणीत रमले आहेत. 'बिग बॉस 15'मध्ये विशाल म्हणाला होता, "मी जेव्हा बिग बॉसमधून बाहेर पडेन तेव्हा हे गाणं रिलीज होईल". 

बिग बॉसच्या तेराव्या सिझनचा विजेता म्हणून सिद्धार्थ नावारुपाला आला. खतरो के खिलाडी, फिअर फॅक्टर या रिअॅलिटी शोमधून सिद्धार्थ झळकला होता. छोट्या पडद्यावरील बालिका वधू, दिलसे दिल तक या मालिकांमध्ये काम केले. याव्यतिरिक्त बॉलिवूडमध्येही सिद्धार्थ झळकला होता. हम्प्टी शर्मा की दुल्हनिया या चित्रपटात त्यानं सहाय्यक अभिनेत्याची भूमिका साकारली होती. सिद्धार्थच्या निधनामुळं टीव्ही इंडस्ट्री आणि त्याच्या चाहत्यांना मोठा धक्का बसला होता. 

संबंधित बातम्या