Sidharth Shukla च्या निधनानंतर Shehnaaz Gill ची पहिली पोस्ट; कॅप्शनने वेधलं लक्ष

सिद्धार्थच्या मृत्यूनं संपूर्ण बॉलिवूडसह त्याच्या चाहत्यांना देखील मोठा धक्का बसला. सिद्धार्थची जवळची मैत्रिण अभिनेत्री  शहनाज कौर गिलने नुकतीच एक पोस्ट शेअर केली आहे.

sidharth shukla

Shehnaaz Gill First Post On Instagram For Sidharth Shukla: अभिनेता सिद्धर्थ शुक्लाचे (sidharth shukla) 2 सप्टेंबर रोजी निधन झाले.  सिद्धार्थच्या मृत्यूनं संपूर्ण बॉलिवूडसह त्याच्या चाहत्यांना देखील मोठा धक्का बसला. त्याचा परिवाराला आणि  चाहत्यांना अजूनही यावर विश्वास बसत नाही. सिद्धार्थची जवळची मैत्रिण अभिनेत्री  शहनाज कौर गिलने (Shehnaaz Gill) नुकतीच एक पोस्ट शेअर केली आहे. या पोस्टमध्ये शहनाजने सिद्धर्थसोबतचा फोटो शेअर केला आहे. हा फोटो शेअर करून शहनाजने त्याला दिलेल्या कॅप्शननं सर्वांचे लक्ष वेधले. 

' तू मेरा है और..... '

'तू यहीं है' हा सिद्धार्थ आणि शहनाजचा म्यूझिक व्हिडीओ लवकरच प्रेक्षकांच्या भेटीस येणार आहे. हा म्यूझिक व्हिडीओ आज (29 ऑक्टोबर) प्रदर्शित होणार आहे.  शेअर केलेल्या पोस्टमधून शहनाजने म्यूझिक व्हिडीओबद्दल माहिती दिली. या पोस्टला तिने कॅप्शन दिले, ' तू मेरा है और..... '. या व्हिडीओमधून शहनाज आणि सिद्धार्थ यांच्यमधील केमिस्ट्री प्रेक्षकांना पुन्हा पाहायला मिळणार आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Shehnaaz Gill (@shehnaazgill)

सिद्धार्थच्या निधनानंतर काही काळ शहनाज सोशल मीडियापासून दूर राहिली. त्यानंतर ती हौसला रख या चित्रपटाचे प्रमोशन करताना दिसली. या चित्रपटाच्या शूटिंगचा काही भाग शहनाजने 7 ऑक्टोबर रोजी पूर्ण केला. नुकत्याच एका मुलाखतीमध्ये शहनाजने बॉलिवूडमध्ये काम करण्याची इच्छा व्यक्त केली. 21 ऑक्टोबर रोजी सिद्धार्थ आणि  शहनाज  यांचे  अधुरा हे गाणं प्रदर्शित झाले होते. या गाण्याला देखील प्रेक्षकांची पसंती मिळाली होती. 

 बिग बॉसच्या तेराव्या सिझनचा विजेता म्हणून सिद्धार्थ नावारुपाला आला. खतरो के खिलाडी, फिअर फॅक्टर या रिअॅलिटी शोमधून सिद्धार्थ झळकला होता. छोट्या पडद्यावरील बालिका वधू, दिलसे दिल तक या मालिकांमध्ये काम केले. याव्यतिरिक्त बॉलिवूडमध्येही सिद्धार्थ झळकला होता. हम्प्टी शर्मा की दुल्हनिया या चित्रपटात त्यानं सहाय्यक अभिनेत्याची भूमिका साकारली होती. सिद्धार्थच्या निधनामुळं टीव्ही इंडस्ट्री आणि त्याच्या चाहत्यांना मोठा धक्का बसला होता.