Shyamchi Aai Movie Teaser: प्रतीक्षा संपली! 'श्यामची आई' चित्रपटाची रिलीज डेट जाहीर; टीझर रिलीज
Shyamchi Aai Movie Teaser: 'श्यामची आई' या चित्रपटाचा टीझर प्रेक्षकांच्या भेटीस आला आहे. या चित्रपटाची रिलीज डेट देखील जाहीर करण्यात आली आहे.
Shyamchi Aai Movie Teaser: 'श्यामची आई' (Shyamchi Aai) या चित्रपटाची प्रेक्षक उत्सुकतेने वाट बघत आहेत. या चित्रपटाचा टीझर नुकताच रिलीज झाला आहे. चित्रपटातील कलाकारांचे लूक्स, सेट, संवाद ते अगदी संगीत अशा साऱ्या गोष्टींना गोल्डन टच देण्यात आला आहे. 'श्यामची आई' या चित्रपटाच्या टीझरसोबतच या चित्रपटाची रिलीज डेट देखील जाहीर करण्यात आली आहे.
राष्ट्रीय पुरस्कार विजेता दिग्दर्शक सुजय सुनील डहाके दिग्दर्शित 'श्यामची आई' या चित्रपटाचा टीझर नुकताच रिलीज करण्यात आला आहे. हा टीझर रिलीज झाल्यानंतर चित्रपटाविषयीची उत्सुकता मात्र जोरदार वाढली आहे.'श्यामची आई' हा चित्रपटाचा टीझर ब्लॅक अँड व्हाईट आहे.
कधी रिलीज होणार 'श्यामची आई' चित्रपट?
बहुचर्चित 'श्यामची आई' या चित्रपटाची निर्मिती अमृता अरुण राव यांची आहे तर सुपरहिट 'पावनखिंड' चित्रपटाचे निर्माते भाऊसाहेब , अजय , अनिरुद्ध आरेकर , आकाश पेंढारकर, आणि विक्रम धाकतोडे हे प्रस्तुतकर्ता आहेत. यंदा दिवाळीच्या शुभ मुहूर्तावर म्हणजे 10 नोव्हेंबर 2023 रोजी 'श्यामची आई' हा चित्रपट प्रदर्शित होत आहे.
पाहा टीझर:
View this post on Instagram
अमृता फिल्म्स निर्मित आणि आलमंड्स क्रिएशन प्रस्तुत 'श्यामची आई' या चित्रपटाची घोषणा झाल्यापासूनच जोरदार चर्चा सुरु झाली. साने गुरुजी यांच्या कादंबरीवर आधारित 'श्यामची आई' या चित्रपटाची संहिता प्रसिद्ध लेखक -दिग्दर्शक सुनील सुकथनकर यांची आहे.
'श्यामची आई' चित्रपटाची स्टार कास्ट
'श्यामची आई' या चित्रपटात अभिनेता ओम भूतकरनं साने गुरुजींची भूमिका साकारली आहे. तर सोबत गौरी देशपांडे, बाल कलाकार शर्व गाडगीळ,संदीप पाठक, ज्योती चांदेकर, सारंग साठ्ये,उर्मिला जगताप,अक्षया गुरव, दिशा काटकर,मयूर मोरे,गंधार जोशी , अनिकेत सागवेकर या कलाकारांनी देखील महत्वाची भूमिका साकारली आहे. आता 'श्यामची आई' या चित्रपटाच्या ट्रेलरची प्रेक्षक उत्सुकतेने वाट बघत आहेत.
View this post on Instagram
इतर महत्वाच्या बातम्या:
महत्त्वाच्या बातम्या
