Shah Rukh Khan On New Parliament : "नवीन संसद भवन, पण भारताच्या गौरवाचं स्वप्न जुनं"; शाहरुख खानचा व्हिडीओ व्हायरल

Shah Rukh Khan : बॉलिवूड अभिनेता शाहरुख खानने नव्या संसद भवनाचा व्हिडीओ सोशल मीडियावर शेअर केला आहे.

Shah Rukh Khan Shared New Parliament Video

Shah Rukh Khan Shared New Parliament Video : नव्या संसद भवनाचं आज पंतप्रधान नरेंद्र मोदी (PM Narendra Modi) यांच्या हस्ते उद्घाटन होत आहे. या पार्श्वभूमीवर बॉलिवूडचा बादशाह शाहरुख खानने संसद भवनाचा व्हिडीओ सोशल मीडियावर शेअर केला आहे. हा व्हिडीओ शेअर करत शाहरुखने "नव्या भारतासाठी नवीन संसद भवन. पण भारताच्या गौरवाचे स्वप्न जुनेच", असे म्हटले आहे.

संसदेच्या नव्या भवनाचा व्हिडीओ ट्वीट करत शाहरुख खानने लिहिलं आहे,"आपल्या संविधानाचे समर्थन करणाऱ्या, या महान राष्ट्राच्या प्रत्येक नागरिकाचे प्रतिनिधित्व करणाऱ्या आणि विविधतेचे रक्षण करणाऱ्या प्रत्येकासाठी हे नवीन संसद भवन आहे. नव्या भारतासाठी नवीन संसद भवन. पण भारताच्या गौरवाचे स्वप्न जुनेच. जय हिंद! माझे संसद भवन माझा अभिमान". 

What a magnificent new home for the people who uphold our Constitution, represent every citizen of this great Nation and protect the diversity of her one People @narendramodi ji.
A new Parliament building for a New India but with the age old dream of Glory for India. Jai Hind!… pic.twitter.com/FjXFZwYk2T

— Shah Rukh Khan (@iamsrk) May 27, 2023

शाहरुखने शेअर केलेल्या दीड मिनिटांच्या व्हिडीओमध्ये तो म्हणत आहे,"भारताचे नवीन संसद भवन. आपल्या स्वप्नातलं घर, 140 कोटी भारतीयांचं घर. या घरात देशातील वेगवेगळ्या राज्यातील, गावातील, शहरातील सर्व जाती-धर्मातील मंडळी एकत्र नांदतील. सत्यमेव जयतेचा नारा नसून विश्वास असायला हवा. हत्ती-घोडे, सिंह आणि अशोक चक्राचा स्तंभ हा लोगो नसून आपला इतिहास असावा".

हेमा मालिनीनेदेखील शेअर केला व्हिडीओ

हेमा मालिनी (Hema Malini) यांनीदेखील एक व्हिडीओ सोशल मीडियावर शेअर केला आहे. या व्हिडीओमध्ये त्या म्हणत आहेत,"संसदेची नवी इमारत ही ही देशासाठी गौरवाची आणि अभिमानाची बाब आहे".

#WATCH नए संसद भवन के लोकार्पण के अवसर पर प्रधानमंत्री नरेंद्र मोदी न्याय व निष्पक्षता के प्रतीक तथा धार्मिक व सांस्कृतिक धरोहर पवित्र सेंगोल को ग्रहण कर नए भवन में इसकी स्थापना करेंगे। ये देश के लिए सम्मान और गौरव का विषय है: भाजपा सांसद हेमा मालिनी, मथुरा pic.twitter.com/QtcQ0DrBK6

— ANI_HindiNews (@AHindinews) May 27, 2023

नवीन संसद भवनाचे वैशिष्ट्य काय आहे? 

पंतप्रधान नरेंद्र मोदी नव्या संसद भवनाचं आज उद्घाटन करत आहेत. 971 कोटी रुपयांत नव्या संसद भवनाची निर्मिती करण्यात आली आहे. 888 लोकसभा आणि 300 राज्यसभा सदस्यांसाठीचं हे संसद भवन आहे.  

संबंधित बातम्या