Shah Rukh Khan: 'जवान चित्रपटामधून काय शिकायला मिळणार?' नेटकऱ्याचा किंग खानला सवाल; उत्तर देत शाहरुख म्हणाला, 'महिलांचे सक्षमीकरण आणि...'
Jawan Spoiler: एका चाहत्यानं विचालेल्या प्रश्नाला शाहरुखनं दिलेल्या उत्तरानं अनेकांचे लक्ष वेधले.
Jawan Spoiler: अभिनेता शाहरुख खानच्या (Shah Rukh Khan) जवान (Jawan) या चित्रपटाची प्रेक्षक उत्सुकतेने वाट बघत आहेत. या चित्रपटामधील गाणी आणि चित्रपटाचा ट्रेलर प्रेक्षकांच्या भेटीस आला होता. आता या चित्रपटाची प्रेक्षक उत्सुकतेने वाट बघत आहेत. नुकतेच शाहरुखनं 'आस्क मी एनिथिंग' हे ट्विटरवर सेशन केले. या सेशनच्या माध्यमातून शाहरुखनं चाहत्यांनी विचारलेल्या प्रश्नांची उत्तरं दिली. एका चाहत्यानं विचालेल्या प्रश्नाला शाहरुखनं दिलेल्या उत्तरानं अनेकांचे लक्ष वेधले.
शाहरुखला एका चाहत्यानं ट्विटरवर प्रश्न विचारला, जवान चित्रपटामधून काय शिकवण मिळणार? या प्रश्नाचं शाहरुखनं उत्तर दिलं, 'लोक आपल्या आजूबाजूला हवा असलेला बदल कसा घडवून आणू शकतात? यावर हा चित्रपट भाष्य करतो. महिलांचे सक्षमीकरण करा आणि हक्कासाठी लढा, हे या चित्रपटात दाखवण्यात आले आहे.'
The movie reflects upon how we as people can make a change that we want around us. Empower women and fight for the right. #Jawan https://t.co/MTJ7W8wAIY
— Shah Rukh Khan (@iamsrk) September 3, 2023
बुर्ज खलिफावर झळकला 'जवान'चा ट्रेलर
31 ऑगस्ट 2023 रोजी 'जवान' चित्रपटाचा ट्रेलर बुर्ज खलिफावर झळकला.बुर्ज खलिफाचा फोटो शाहरुख खाननं सोशल मीडियावर शेअर केला होता. या फोटोला त्यानं कॅप्शनमध्ये लिहिलं, 'जवानचा उत्सव मी तुमच्यासोबत नाही साजरा करणार, असं होणार नाही.'
'जवान' चित्रपटामध्ये शाहरुख खानशिवाय नयनतारा आणि विजय सेतुपती यांच्याही मुख्य भूमिका आहेत. सान्या मल्होत्रा, प्रियामणी आणि रिद्धी डोगरा सारखे कलाकारही चित्रपटात सहाय्यक भूमिकेत आहेत. हा बहुप्रतिक्षित चित्रपट 7 सप्टेंबर 2023 रोजी थिएटरमध्ये प्रदर्शित होणार आहे. हा चित्रपट हिंदी, तामिळ आणि तेलुगू भाषेमध्ये हा सिनेमा प्रदर्शित होणार आहे. शाहरुख खानचा 'जवान' हा चित्रपट पॅन इंडिया हा सिनेमा आहे. या चित्रपटात शाहरुखचे वेगवेगळे लूक दिसणार आहे.
View this post on Instagram
शाहरुख खानच्या जवान चित्रपटानंतर त्याचा डंकी हा चित्रपट रिलीज होणार आहे. डंकी या चित्रपटाची देखील प्रेक्षक उत्सुकतेने वाट बघत आहेत.
संबंधित बातम्या
महत्त्वाच्या बातम्या
ट्रेंडिंग न्यूज
