Shah Rukh Khan: कधी लालबागच्या दरबारी, कधी वैष्णोदेवीच्या चरणी, किंग खान इमेज मेकओव्हर करतोय?
Shah Rukh Khan: शाहरुख हा देवदर्शनाच्या माध्यमातून आपली इमेज मेकओव्हर करण्याचा प्रयत्न करतोय का? असा प्रश्न निर्माण झाला आहे.
Shah Rukh Khan: अभिनेता शाहरुख खानचा (Shah Rukh Khan) जवान (Jawan) हा चित्रपट प्रेक्षकांच्या भेटीस आला आणि हा चित्रपट जबरदस्त हिट झाला. चित्रपट रिलीज होण्याच्या आधी आणि त्यानंतर शाहरुख हा अनेकदा मंदिरांमध्ये देवदर्शन घेताना बघायला मिळाला. पठाण चित्रपटावेळी देखील शाहरुख खाननं वैष्णवदेवीचे दर्शन घेतले होते. त्यामुळे शाहरुख हा देवदर्शनाच्या माध्यमातून आपली इमेज मेकओव्हर करण्याचा प्रयत्न करतोय का? असा प्रश्न निर्माण झाला आहे.
जगात शाहरुख खानचे चाहते नाहीत असा एकही देश नसेल. शाहरुख खानच्या चित्रपटांना जगभरातील प्रेक्षकांची पसंती मिळते.गेल्या वर्षी रिलीज झालेला पठाण असेल किंवा आत्ताचा जवान, शाहरुख खानच्या चित्रपटांनी बॉक्स ऑफिसवर धुमाकूळ घातला आहे. शाहरुख खाननं भारतीय चित्रपटसृष्टीत आपले पाय घट्ट रोवत नाव कमवले. मात्र, मागी गेल्या काही दिवसात देवदर्शन करत शाहरुख आपली इमेज मेकओव्हर करण्याचा प्रयत्न करतोय का? असा प्रश्न निर्माण होत आहे.
शाहरुख खानचा मुलगा आर्यन खानला कराव्या लागलेल्या तुरुंगवारीनंतर शाहरुखमध्ये मोठा फरक दिसतोय. पठाण रिलीज व्हायच्या आधी शाहरुखनं जम्मू काश्मिर येथे जाऊन वैष्णवदेवीचे दर्शन घेतले होते. त्याबरोबरच आत्ता देखील जवान रिलीज होण्याआधी शाहरुखने पुन्हा वैष्णवदेवी गाठत दर्शन घेतले होते. त्यानंतर तिरुपती बालाजीचे दर्शन देखील शाहरुखनं घेतलं. शाहरुखनं काही दिवसांपूर्वी लालबागच्या राजाचं देखील दर्शन घेतलं.
#WATCH | Shah Rukh Khan visits Lalbaugcha Raja in Mumbai to seek blessings from Lord Ganesh pic.twitter.com/NqIvMMi2uz
— ANI (@ANI) September 21, 2023
शाहरुख खानच्या मुलाला तुरुंगवारी करावी लागली.त्यानंतर शाहरुखच्या इमेजवर प्रश्नचिन्ह उपस्थित केले गेलेत. शाहरुख खानलाच थेट आरोपीच्या पिंजऱ्यात उभं करत या सर्व प्रकरणात तोच आपल्या मुलानं केलेल्या कृत्यासाठी कसा दोषी आहे? असे देखील प्रश्न उपस्थित झाले होते. आर्यन खान जरी तुरुंगातून बाहेर आला असला तरी शाहरुख खानची प्रतिमा मात्र तशीच राहिली. त्यात या सर्व प्रकरणी शाहरुख अजूनही कुठेच वाच्छता करत नाही. त्यामुळे आपली इमेज मेकओव्हर करण्याचा प्रयत्न त्याच्याकडून केला जातोय का? असा प्रश्न आहे.
शाहरुखचा आगामी चित्रपट
शाहरुख खानच्या आगामी चित्रपटांची प्रेक्षक उत्सुकतेने वाट बघत आहेत. त्याचा डंकी हा चित्रपट लवकरच प्रेक्षकांच्या भेटीस येणार आहे.
संबंधित बातम्या:
महत्त्वाच्या बातम्या
