Sayani Gupta: "भारतीय पुरुषांचे असभ्य वर्तन.."; प्रसिद्ध अभिनेत्रीची पोस्ट, सांगितला विमान प्रवासादरम्यान आलेला अनुभव

Sayani Gupta: सयानीनं नुकतीच इन्स्टाग्रामवर एक पोस्ट शेअर केली आहे. या पोस्टच्या माध्यमातून सयानीनं तिला विमान प्रवासादरम्यान आलेल्या अनुभवाबद्दल सांगितलं आहे.

Sayani Gupta

Sayani Gupta: अभिनेत्री सयानी गुप्ता (Sayani Gupta) ही विविध चित्रपट आणि वेब सीरिजमधून प्रेक्षकांच्या भेटीस येत असते. सयानी ही सोशल मीडियावर विविध पोस्ट शेअर करते. सयानीनं नुकतीच इन्स्टाग्रामवर एक पोस्ट शेअर केली आहे. या पोस्टच्या माध्यमातून सयानीनं तिला विमान प्रवासादरम्यान आलेल्या अनुभवाबद्दल सांगितलं आहे. सयानीच्या या पोस्टनं अनेकांचे लक्ष वेधलं असून तिच्या या पोस्टची सध्या सोशल मीडियावर चर्चा होत आहे. 

सयानी गुप्ताची पोस्ट

सयानी गुप्तानं इन्स्टाग्रामवर शेअर केलेल्या पोस्टमध्ये लिहिलं, "फ्लाइटमध्ये भारतीय पुरुषांचे वर्तन असभ्य असते. फोनचा जोरात आवाज, खोकला, तोंड कव्हर न करता शिंकणे, जागेचे भान नसणे आणि बेफिकीरपणा! एका माणसाची बॅग माझ्या चेहऱ्याला लागली, त्या माणसाला हे लक्षातही आलं नाही. बाकीचे सगळे माझ्याकडे आश्चर्याने बघत होते.  हां, कदाचित माझी ही पोस्ट वाचणारे लोक देखील याच प्रकारात मोडत असतील." सयानीच्या या पोस्टनं अनेक नेटकऱ्यांचे लक्ष वेधले आहे.

सयानी गुप्ता ही सोशल मीडियावर अॅक्टिव असते. तिला इन्स्टाग्रामवर  778K फॉलोवर्स आहेत. सयामी ही तिच्या विविध लूक्समधील फोटो सोशल मीडियावर शेअर करते. सयानीनं काही दिवसांपूर्वी कुटुंबीयांसह आणि मित्रांसह दुर्गापूजेला हजेरी लावली. या पूजेदरम्यानचे फोटो सयानीनं सोशल मीडियावर शेअर केले होते. सयानीच्या सोशल मीडियावरील फोटोवर नेटकरी लाइक्स आणि कमेंट्सचा वर्षाव करत असतात. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sayani G (@sayanigupta)

चित्रपट आणि वेब सीरिजमध्ये सयानीनं केलं काम

'फॅन',  'मार्गरीटा विथ ए स्ट्रॉ', 'आर्टिकल 15'  आणि 'पार्च्ड' या चित्रपटामध्ये सयानीनं काम केलं आहे. तसेच फोर मोर शॉट्स प्लीज (Four More Shots Please) या वेब सीरिजमुळे सयानी गुप्ताला विशेष लोकप्रियता मिळाली. या वेब सीरिजचे तीन सीझन प्रेक्षकांच्या भेटीस आले.‘इन्साइड एज’  या वेब सीरिजमध्ये देखील सयानी गुप्तानं महत्वाची भूमिका साकारली आहे. कपिल शर्माच्या (Kapil Sharma)‘झ्विगॅटो’ (Zwigato) या चित्रपटात देखील सयानीनं काम केलं होतं. सयामीच्या आगामी चित्रपटांची तिचे चाहते उत्सुकतेने वाट बघत आहेत. 

इतर महत्वाच्या बातम्या: