बहिण भावाचं निरपेक्ष प्रेम आणि त्यांच्या स्वप्नांची गोष्ट सांगणाऱ्या 'खारी बिस्कीट'चा टीजर रिलीज

'खारी बिस्कीट' या आगामी मराठी चित्रपटाचा टीजर नुकताच रिलीज करण्यात आला. संजय जाधवने या चित्रपटाचं दिग्दर्शन केलं आहे.

मुंबई : 'खारी बिस्कीट' या आगामी मराठी चित्रपटाचा टीजर नुकताच रिलीज करण्यात आला. संजय जाधवने या चित्रपटाचं दिग्दर्शन केलं आहे. पाच वर्षांच्या खारी नावाच्या एका अंध मुलीची ही गोष्ट आहे. उघड्या डोळ्यांनी जग पाहाता येत नसलं तरी आपल्या अंधाऱ्या जगात तिने स्वप्नं मात्र खूप पाहिली आहेत. बहिण भावामधलं अतूट नातं, त्यांचं निरपेक्ष प्रेम त्याच स्वप्नांची गोष्ट सांगणारा खारी बिस्कीट हा चित्रपट 27 सप्टेंबरला आपल्या भेटीला येतोय. आदर्श कदम आणि वेदश्री खाडिलकर हे दोन बालकलाकार या चित्रपटात प्रमुख भूमिकेत आहेत. आदर्शने यात बिस्कीटची भूमिका साकारली आहे तर वेदश्री खारीच्या टायटल रोलमध्ये दिसणार आहे. ड्रीमिंग ट्वेंटी फोर सेव्हन आणि झी स्टुडिओज यांनी 'खारी बिस्किट'ची निर्मिती केली आहे.

खारी आलीये तुम्हाला भेटायला... तिचं GoodLuck घेवून#KhariTeaser #KhariBiscuit #27Sep@sanjayjadhavv#ZeeStudiosMarathi & #DreamingTwentyFour7@Deeran @Mangesh_Kul @ashwinpatil1310 pic.twitter.com/fbzS3BZQDo

— Zee Studios Marathi (@TheZeeStudios) August 21, 2019