Sandeep Reddy Vanga : संदीप रेड्डी वांगाकडून चित्रपटाची जुळवाजुळव; लीड रोलमध्ये साऊथची सुपरहिट स्टारकास्ट

Sandeep Reddy Vanga : अॅनिमल नंतर आता संदीप रेड्डी वांगा आता नव्या चित्रपटाची जुळवाजुळव करत आहे.

Sandeep Reddy Vanga latest News (Image Source : Instagram)

Sandeep Reddy Vanga :  'अॅनिमल'ने (Animal) बॉक्स ऑफिसवर धुमाकूळ घातल्यानंतर आता संदीप रेड्डी वांगाकडून (Sandeep Reddy Vanga) नव्या चित्रपटाची जुळवाजुळव सुरू असल्याची चर्चा आहे. संदीप रेड्डी वांगाच्या या चित्रपटात साऊथची सुपरहिट स्टारकास्ट असून ही जोडी पहिल्यांदाच एकत्रपणे रुपेरी पडद्यावर झळकणार आहे. हा चित्रपटावर संदीप रेड्डी वांगाची छाप सोडणारा असल्याचे म्हटले जात आहे.

संदीपचा नवा चित्रपट कोणता?

संदीप रेड्डी वांगा दिग्दर्शित अॅनिमल चित्रपटाने  बॉक्स ऑफिसवर  दमदार कमाई करत  कोटींच्या कोटी उड्डाणे घेतली. अॅनिमलचे प्रेक्षकांकडून कौतुकही झाले तसे चित्रपटातील हिंसक चित्रणावर टीकाही झाली. मात्र, टीकाकारांकडे आपण दुर्लक्ष करत असल्याचे संदीपने स्पष्ट केले. त्यानंतर संदीपच्या आगामी चित्रपटाबद्दल चर्चा सुरू झाली आहे. संदीप आता 'स्पिरीट'या चित्रपटाची जुळवाजुळव करत असल्याची माहिती सूत्रांनी दिली आहे. 

संदीपच्या नव्या चित्रपटात कोण? 

संदीप रेड्डीच्या या नव्या चित्रपटात रश्मिका मंदाना असणार आहे. रश्मिकासोबत 'बाहुबली'फेम अभिनेता प्रभास दिसणार आहे. रश्मिका आणि प्रभासचा एकत्र हा पहिलाच चित्रपट असून, दोघेही पडद्यावर रोमान्स करताना दिसणार आहेत. 

Siasat ने दिलेल्या वृत्तानुसार, दिग्दर्शक संदीप रेड्डी वांगासोबत रश्मिका मंदान्नाचा हा दुसरा चित्रपट असणार आहे. याआधी ती त्याच्या 'अॅनिमल'मध्ये दिसली होती. यामध्ये रणबीर कपूर मुख्य भूमिकेत होता. या चित्रपटात अनिल कपूर, बॉबी देओल आणि तृप्ती डिमरी यांच्याही भूमिका होत्या. 

यावर्षी सुरू होणार चित्रपटाचे चित्रीकरण 

स्पिरीट चित्रपटाचे चित्रीकरण या वर्षाच्या अखेरीस सुरू होणार असल्याचे संदीप वांगा रेड्डीने म्हटले होते. 

'पुष्पा-2'च्या चित्रीकरणात रश्मिका व्यस्त 

रश्मिका मंदना ही सध्या 'पुष्पा-2'च्या चित्रीकरणात व्यस्त असल्याची माहिती आहे. या चित्रपटात अल्लू अर्जुन लीड रोलमध्ये आहे. चित्रपटाचे चित्रीकरण हैदराबादमध्ये सुरू आहे. 15 ऑगस्ट रोजी चित्रपट थिएटरमध्ये प्रदर्शित होणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rashmika Mandanna (@rashmika_mandanna)

प्रभासकडे कोणता चित्रपट?

प्रभासचा 'सालार'चित्रपट झळकला होता. आता तो 'कल्की 2898 एडी'मध्ये दिसणार आहे. यात दीपिका पदुकोण, कमल हासन आणि अमिताभ बच्चन यांच्यासारख्या कलाकारांची भूमिका आहे. हा चित्रपट यावर्षी मे महिन्यात प्रदर्शित होणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)