Sam Bahadur OTT Release Date: थिएटरमध्ये धुमाकूळ घातल्यानंतर आता ओटीटीवर रिलीज होणार 'सॅम बहादुर'; कधी आणि कोणत्या प्लॅटफॉर्मवर पाहता येणार चित्रपट? जाणून घ्या

Sam Bahadur OTT Release Date: 'सॅम बहादुर' हा चित्रपट आता ओटीटीवर रिलीज होत आहे. जाणून घेऊयात सॅम बहादुर या चित्रपटाची ओटीटी रिलीज डेट...

Sam Bahadur imdb

Sam Bahadur OTT Release Date: अभिनेता विकी कौशलच्या (Vicky Kaushal) 'सॅम बहादुर' (Sam Bahadur) या चित्रपटानं बॉक्स ऑफिसवर धुमाकूळ घातला. हा चित्रपट 1 डिसेंबर रोजी मोठ्या पडद्यावर प्रदर्शित झाला. सॅम बहादुर  या चित्रपटाची रणबीर कपूरच्या अॅनिमल या चित्रपटासोबत बॉक्स ऑफिसवर टक्कर झाली. तरी देखील या चित्रपटानं बॉक्स ऑफिसवर चांगली कमाई केली. या चित्रपटातील विकी कौशलचा दमदार अभिनय प्रेक्षकांच्या पसंतीस पडला. अशताच 'सॅम बहादुर' हा चित्रपट आता ओटीटीवर रिलीज होत आहे. जाणून घेऊयात सॅम बहादुर या चित्रपटाची ओटीटी रिलीज डेट...

कोणत्या ओटीटी प्लॅटफॉर्मवर रिलीज होणार सॅम बहादुर? (Sam Bahadur OTT Release Date)

 मेघना गुलजार दिग्दर्शित सॅम बहादुर या चित्रपटानं प्रेक्षकांची मनं जिंकली. हा चित्रपट देशातील पहिले फील्ड मार्शल सॅम माणेकशॉ यांच्या जीवनावर आधारित आहे. या चित्रपटात सॅम माणेकशॉ  यांची भूमिका विकी कौशलने   साकारली आहे. थिएटरमध्ये प्रदर्शित झाल्यानंतर हा चित्रपट आता ओटीटीवर प्रदर्शित होण्यासाठी सज्ज झाला आहे. हा चित्रपट  Zee5 या OTT प्लॅटफॉर्म  प्रदर्शित होत आहे.ज्या प्रेक्षकांनी हा चित्रपट थिएटरमध्ये पाहिला नाही ते आता ओटीटीवर हा चित्रपट पाहू शकणार आहेत. 

 Zee5 या ओटीटी प्लॅटफॉर्मनं सोशल मीडियावर पोस्ट शेअर करुन या चित्रपटाच्या ओटीटी रिलीजची माहिती चाहत्यांना दिली आहे. त्यांनी पोस्टमध्ये लिहिलं, "एक दूरदर्शी नेता आणि एक खरा नायक - सॅम तुमच्या स्क्रीनवर येण्यासाठी सज्ज आहे!" सॅम बहादुर हा चित्रपट 26 जानेवारी रोजी ओटीटीवर रिलीज होत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by ZEE5 (@zee5)

'सॅम बहादुर' चा बॉक्स ऑफिसवर धुमाकूळ

सॅम बहादुर या चित्रपटाला बॉक्स ऑफिसवर प्रेक्षकांचा चांगला प्रतिसाद मिळाला. या चित्रपटाने देशांतर्गत बॉक्स ऑफिसवर 93 कोटींहून अधिक कमाई केली. या चित्रपटाची जगभरात 100 कोटींहून अधिक कमाई झाली. या चित्रपटात विकी कौशल व्यतिरिक्त फातिमा सना सेख आणि सान्या मल्होत्रा ​​यांनीही 'सॅम बहादूर'मध्ये महत्त्वाच्या भूमिका साकारल्या आहेत.

वाचा इतर महत्वाच्या बातम्या: