Salman Khan : 'सिंघम'धील 'दबंग' एन्ट्रीवर पूर्णविराम, सलमान खान नाही दिसणार रोहित शेट्टीच्या सिनेमात
Salman Khan : सलमान खान सिंघम अगेनमध्ये एन्ट्री घेणार असल्याच्या अफवा असल्याचं आता समोर आलेलं आहे.
Salman Khan : मागील काही दिवसांपासून 'सिंघम अगेन'मध्ये (Singham Again) सलमान खानची (Salman Khan) एन्ट्री होणार असल्याच्या चर्चा सुरु होत्या. पण आता या सगळ्या चर्चांना पूर्णविराम मिळाला असल्याचं पाहायला मिळतंय. त्याचप्रमाणे या सगळ्या अफवा असल्याचंही समोर आलंय. सिंघम अगेनमध्ये सलमानच्या एन्ट्रीवर चाहत्यांची उत्सुकता होती. पण आता ही एन्ट्री होणार नसल्याचं समोर आलेलं आहे.
तरण आदर्शने सोशल मीडियावर यासंदर्भात पोस्ट केलेली आहे. त्यामुळे आता सलमानच्या चाहत्यांची मोठी निराशा झाल्याचं पाहायला मिळत आहे. दरम्यान सिंघम अगेनमध्ये नेमकी कोणाची एन्ट्री होणार हे मात्र अद्यापही गुलदस्त्यातच आहे.
तरण आदर्शने काय म्हटलं?
तरण आदर्शने त्याच्या सोशल मीडियावर पोस्ट करत म्हटलं की, चुलबुल पांडे सिंघम अगेनमध्ये दिसणार ही बातमी चुकीची आहे. पण या सगळ्या अफवा असून सलमान खान सिंघम अगेनमध्ये दिसणार नाही आहे.
'त्या' व्हिडीओमुळे रंगली होती चर्चा
काही दिवसांपूर्वी रोहित शेट्टीने एक व्हिडिओ शेअर केला होता. ज्याच्या कॅप्शनमध्ये त्याने लिहिले की, 'सिंघम या हिरोशिवाय अपूर्ण आहे. या दिवाळीतही स्कॉर्पियो येईल, ती फिरेलही पण एन्ट्री दुसऱ्याचीच होईल. रोहितच्या या व्हिडीओनंतर सलमान खानच्या एन्ट्रीच्या हिंट्स रोहित देत असल्याचं म्हटलं होतं.
'सिंघम अगेन'ची स्टार कास्ट
या दिवाळीत रिलीज होणाऱ्या 'सिंघम अगेन'मध्ये अजय देवगन मुख्य भूमिकेत दिसणार आहे. याशिवाय दीपिका पदुकोण, करीना कपूर, टायगर श्रॉफ आणि जॅकी श्रॉफ महत्त्वाच्या भूमिका साकारणार आहेत. या चित्रपटात अक्षय कुमार इन्स्पेक्टर सूर्यवंशी, रणवीर सिंग इन्स्पेक्टर 'सिंबा'च्या भूमिकेत दिसणार आहे. आता या यादीत सलमान खानचेही नाव जोडले गेले आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
