(Source: ECI/ABP News/ABP Majha)
Bigg Boss OTT 2 House: 'बिग बॉस ओटीटी 2' च्या घराची पहिली झलक; सोशल मीडियावर फोटो व्हायरल
Bigg Boss OTT 2 House: सध्या एक फोटो सोशल मीडियावर व्हायरल झाला आहे. या फोटोमध्ये बिग बॉस ओटीटी-2 च्या घराची झलक दिसत आहे.
Bigg Boss OTT 2 House: बिग बॉस ओटीटीचा दुसरा सीझन (Bigg Boss OTT 2 ) लवकरच प्रेक्षकांच्या भेटीस येणार आहे. प्रेक्षक बिग बॉस ओटीटी-2 ची उत्सुकतेने वाट बघत आहेत. सलमान खान पहिल्यांदाच बिग बॉस ओटीटी शो होस्ट करणार आहे. सध्या एक फोटो सोशल मीडियावर व्हायरल झाला आहे. या फोटोमध्ये बिग बॉस ओटीटी-2 च्या घराची झलक दिसत आहे.
बिग बॉस ओटीटी 2 च्या घराच्या आतला फोटो सोशल मीडियावर व्हायरल होत आहे. या फोटो पाहिल्यानंतर असा अंदाज लवला जाऊ शकतो की, बिग बॉस ओटीटी 2 च्या घराची थीम खूपच इंटरेस्टिंग आणि सुंदर असणार आहे. जिओ सिनेमाच्या सोशल मीडिया अकाऊंवरुन बिग बॉस ओटीटी 2 च्या घराची पहिली झलक शेअर करण्यात आली आहे. त्या फोटोला कॅप्शन देण्यात आलं. 'स्पर्धकांच्या झलकने तुमचे मन जिंकले असेल, यावेळी जनताच खरी बॉस असणार आहे, त्यामुळे पब्लिक डिमांड असल्यामुळे आम्ही ही घराची पहिली झलक दाखवत आहोत'
जिओ सिनेमाच्या इन्स्टाग्राम अकाऊंटवर शेअर करण्यात आलेल्या फोटोमध्ये बिग बॉस ओटीटी-2 च्या घरामधील एक कॉर्नर हा किचनमधील वस्तूंचा वापर करुन सजवण्यात आला आहे, असं दिसत आहे. तसेच या फोटोमध्ये बिग बॉसचा डोळा देखील दिसत आहे.
View this post on Instagram
अविनाश सचदेव, आकंक्षा पुरी, आलिया सिद्दीकी , बेबिका, फलक नाज, जिया शंकर, मनीषा रानी, पलक पुरसवानी हे सेलिब्रिटी बिग बॉस ओटीटी-2 मध्ये सहभागी होणार आहेत, असं म्हटलं जात आहे. 17 जून रोजी जिओ सिनेमावर हा शो स्ट्रिम होणार आहे. या कार्यक्रमाची प्रेक्षक उत्सुकतेने वाट बघत आहेत.
View this post on Instagram
बिग बॉस ओटीटीचा पहिला सीझन 2021 मध्ये प्रेक्षकांच्या भेटीस आला होता. बिग बॉस ओटीटीचा पहिला सीझन करण जोहरने होस्ट केला होता. आता 'बिग बॉस ओटीटी सीझन 2' सलमान खान होस्ट करणार आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
