'तो' एक फोन कॉल ठरला टर्निंग पॉईंट; पोलिसांनी ठाण्यात लपून बसलेल्या सैफच्या हल्लेखोराला कसं शोधलं?
Saif Ali Khan Attack : अभिनेता सैफ अली खानवर हल्ला करणाऱ्या आरोपीला पोलिसांनी बेड्या ठोकल्या आहेत.
Saif Ali Khan Case Update : बॉलिवूड अभिनेता सैफ अली खान यांच्यावर जीवघेणा हल्ला करण्याऱ्या आरोपीला पकडण्यात पोलिसांना यश आलं आहे. घटनेच्या सुमारे 50 तासांनंतर पोलिसांनी आरोपीला बेड्या ठोकल्या. चोरीच्या प्रयत्नात सैफ अली खानच्या घरात घुसलेल्या आरोपीने त्याच्यावर धारदार शस्त्राने हल्ला करुन त्याला जखमी करुन तिथून पळ काढला. या प्रकरणात पोलिसांनी अथक प्रयत्नांनी आरोपीला कशाप्रकारे अटक केली ते जाणून घ्या.
'तो' एक फोन कॉल ठरला तपासाचा टर्निंग पॉईंट
सैफ अली खानवर जीवघेणा हल्ला केल्यानंतर आरोपीने वांद्रेतील निवासस्थानावरुन पळ काढला. त्यानंतर 8 वाजता आरोपी दादरला गेला, त्यानंतर तो वांद्रेला पोहोचला. त्यानंतर तो सेंट्रल लाईनच्या दिशेने जाताना दिसला. यानंतर पोलिसांनी सेंट्रल भागातून आरोपीची माहिती घेण्याचा प्रयत्न केला. आरोपीच्या मोबाईलचं शेवटचं लोकेशन ठाणे दाखवलं.
घटनेपूर्वीच्या 10 ते 15 दिवसांपूर्वीचं सीसीटीव्ही फुटेज तपासलं
आरोपीचा शोध घेण्यासाठी, मुंबई पोलिसांनी केवळ घटनेच्या दिवसांचं नाही, तर घटनेपूर्वीच्या 10 ते 15 दिवसांपूर्वीचं सीसीटीव्ही फुटेज देखील स्कॅन केले. या फुटेजच्या स्कॅनिंग दरम्यान, डीएन नगर परिसरातील एक फुटेजमध्ये अंधेरीतील एका व्यक्ती दिसली. मुंबई पोलिसांना एक सीसीटीव्ही मिळाला, ज्यामध्ये एक बाईकस्वार डीएन नगर परिसरात एका व्यक्तीला खाली सोडत आहे. बारकाईने विश्लेषण केल्यावर असे आढळून आलं की, बाईकवरून खाली उतरणारा व्यक्ती सैफ अली खानचा हल्लेखोर आहे. त्यानंतर बाईकच्या नंबरची माहिती काढण्यात आली आणि पोलिसांना एकामागून एक लीड मिळू लागले.
पोलिसांनी लपून बसलेल्या हल्लेखोराला कसं शोधलं?
सुरुवातीच्या तपासात आरोपीकडे मोबाईल फोन नाही, असं वाटत होतं. कारण त्याचा मोबाईल नंबर सापडत नव्हता. त्यानंतर दुसऱ्या दिवशी रात्री सापडलेल्या फुटेजमध्ये आरोपी फोनवर बोलताना दिसला. सैफ अली खानवर हल्ला केल्यानंतर आरोपी फोनवर बोलतो आणि पुढे जातो. त्यानंतर पोलिसांनी रात्रीच्या वेळी त्या भागात असलेला मोबाईल फोनचा डेटा काढला. मध्यरात्रीची वेळ असल्याने त्यावेळी जास्त लोक फोन कॉल करत नसल्याने त्याचा मोबाईल नंबर शोधणं पोलिसांसाठी सोपं झालं.
लेबर कॅम्पमधून आरोपीला अटक
सैफच्या घरातूल बाहेर पडल्यावर आरोपीचं कुणासोबत तरी फोनवर संभाषण झालं, त्यानंतर त्याने फोन बंद केला आणि सकाळी दादर रेल्वे स्टेशनला पोहोचल्यावर फोन चालू केला आणि कॉल केला. त्यानंतर पुन्हा आरोपीने फोन बंद केला. यावेळी त्याची लोकेशन ठाणे होती. त्यानंतर पोलिसांनी ठाण्याच्या कासारवडवलीतील लेबर कॅम्पला घेराव घालून आरोपीला पकडलं.
पाहा व्हिडीओ : सैफवर हल्ला करणारा आरोपी बांगलादेशी घुसखोर
महत्त्वाच्या इतर बातम्या :
ब्रेकिंग! सैफ अली खानवर हल्ला करणारा आरोपी बांगलादेशी? नामांकित कंपनीत नोकरीला
महत्त्वाच्या बातम्या
ट्रेंडिंग न्यूज
