Roop Nagar Ke Cheetey : 'रूप नगर के चीते' सिनेमाचं नवं पोस्टर आऊट; कलाकारांनी घेतलं लालबागच्या राजाचं दर्शन

Roop Nagar Ke Cheetey : 'रूप नगर के चीते' या सिनेमातील कलाकारांनी नुकतेच लालबागच्या राजाचे दर्शन घेतले आहे.

Roop Nagar Ke Cheetey

Roop Nagar Ke Cheetey : लालबागच्या राजाच्या चरणी 'रूप नगर के चीते' (Roop Nagar Ke Cheetey) या मराठी सिनेमाच्या  कलाकारांनी नुकतीच हजेरी लावली आहे.  सिनेमाच्या यशासाठी त्यांनी बाप्पाचा आशिर्वाद घेतला आहे. हजारो गणेशभक्तांच्या उपस्थितीत आणि 'लालबागचा राजा'च्या जयघोषात आपल्या सिनेमाचे नवीन पोस्टर याप्रसंगी बाप्पाच्या चरणी अर्पण केले. 16 सप्टेंबरला 'रूप नगर के चीते' हा सिनेमा प्रेक्षकांच्या भेटीला येत आहे. सिनेमाच्या प्रमोशनच्या धामधुमीत लालबागच्या राजाच्या प्रथम दर्शनाची संधी कलाकारांनी सोडली नाही.

करण परब, कुणाल शुक्ल, आयुषी भावे, हेमल इंगळे, सना प्रभू हे 'रूप नगर के चीते' या सिनेमातील कलाकार लालबागच्या राजाच्या दरबारी हजर होते. सध्या प्रमोशनसाठी विविध ठिकाणी या सिनेमाची टीम भेट देत आहे. या सिनेमाची निर्मीती एस एंटरटेन्मेंट बॅनरखाली निर्माते मनन शाह यांनी केली असून विहान सूर्यवंशीने या सिनेमाच्या दिग्दर्शनाची धुरा सांभाळली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Karan Parab (@karankishore_)

मनाच्या आतमध्ये स्वत:शी युद्ध सुरू असताना आपण करतोय ते चूक की बरोबर? याची शहानिशा करण्यासाठी आपल्या आत डोकावणारा जवळचा मित्र गरजेचा असतो. त्याचंही म्हणणं ऐकणं महत्त्वाचं असतं, याच मैत्रीच्या बंधाची अनोखी गोष्ट 'रूप नगर के चीते' या सिनेमात पहायला मिळणार आहे.

16 सप्टेंबरला 'रूप नगर के चीते' येणार प्रेक्षकांच्या भेटीला

'रूप नगर के चीते' हा सिनेमा 16 सप्टेंबरला प्रेक्षकांच्या भेटीला येणार आहे. विहान सूर्यवंशी, कार्तिक कृष्णन यांनी या सिनेमाचं लेखन केलं आहे. 'रूप नगर के चीते' या सिनेमाच्या माध्यमातून मैत्रीचा एक वेगळा अर्थ प्रेक्षकांपर्यंत पोहोचवण्याचा प्रयत्न करण्यात आला आहे. 

संबंधित बातम्या