Ram Setu Box Office Collection Day 8: बॉक्स ऑफिसवर राम सेतू फ्लॉप? जाणून घ्या कलेक्शन
राम सेतू (Ram Setu) या चित्रपटात अक्षयसोबतच जॅकलीन फर्नांडिस, नुसरत भरूचा आणि सत्यदेव कंचरण या कलाकरांनी देखील प्रमुख भूमिका साकारली आहे. या चित्रपटाला अपेक्षेप्रमाणे प्रेक्षकांचा प्रतिसाद मिळत नाहीये.
Ram Setu Box Office Collection: बॉलिवूडमधील अभिनेता अक्षय कुमारच्या (Akshay Kumar) आगामी चित्रपटांची प्रेक्षक उत्सुकतेने वाट बघत असतात. राम सेतू (Ram Setu) हा चित्रपट 26 ऑक्टोबर रोजी रिलीज झाला. या चित्रपटात अक्षयसोबतच जॅकलीन फर्नांडिस, नुसरत भरूचा आणि सत्यदेव कंचरण या कलाकरांनी देखील प्रमुख भूमिका साकारली आहे. या चित्रपटाला अपेक्षेप्रमाणे प्रेक्षकांचा प्रतिसाद मिळत नाहीये. याच कारणामुळे 'राम सेतू'चे बॉक्स ऑफिस कलेक्शनही दिवसेंदिवस कमी होत आहे. आठव्या दिवशी 'राम सेतू'ने किती कमाई केली? ते जाणून घेऊया...
'राम सेतू'चे बॉक्स ऑफिस कलेक्शन-
- पहिला दिवस- 15.25
- दुसरा दिवस - 11.4 कोटी
- तिसरा दिवस - 8.75 कोटी
- चौथा दिवस- 6.5 कोटी
- पाचवा दिवस- 7.7 कोटी
- सहावा दिवस- 7.25 कोटी
- सातवा दिवस- 3 कोटी
- आठवा दिवस- रु. 2.90 कोटी
- एकूण – 61.90 कोटी रुपये
अक्षय कुमारचे 2022 मध्ये प्रदर्शित झालेले चित्रपट बॉक्स ऑफिसवर चांगली कमाई करु शकले नाही. सम्राट पृथ्वीराज, कटपुतली, रक्षाबंधन हे अक्षयचे चित्रपट फ्लॉप ठरले. अक्षयच्या राम सेतू चित्रपटाची निर्मिती 200 कोटीच्या बजेटमधून करण्यात आली. पण या चित्रपटाने आतापर्यंत एकूण 61.90 रुपये कमावले आहेत. त्यामुळे अक्षयचा हा चित्रपट देखील फ्लॉप ठरणार का? असा प्रश्न आता अनेकांना पडत आहे.
राम सेतू या चित्रपटात अक्षयनं पुरातत्वशास्त्रज्ञाची भूमिका साकारली आहे, ज्याला राम सेतूबाबत संशोधन करण्याची जबाबदारी देण्यात आली आहे. या चित्रपटातील अक्षयच्या अभिनयाचं काही नेटकऱ्यांनी कौतुक केलं आहे. नेटकऱ्यांनी सोशल मीडियावर पोस्ट शेअर करुन राम सेतू चित्रपटातील VFX, चित्रपटाचं कथानक, कलाकारांचा अभिनय या सर्व गोष्टीचं कौतुक केलं. गेल्या काही दिवसांपासून प्रेक्षक हा चित्रपट रिलीज होण्याची उत्सुकतेने वाट बघत होते.
राम सेतू या चित्रपटाचं शूटिंग उटी, दमण- दीव आणि मुंबईच्या जवळ झाले आहे. या चित्रपटाचं दिग्दर्शन अभिषेक शर्मा यांनी केले आहे. केप ऑफ गुड होप, अॅमेझॉन प्राइम, एबंडंटिया एंटरटेनमेंट आणि लायका प्रॉडक्शन यांनी या चित्रपटाची निर्मिती केली आहे.
वाचा इतर महत्त्वाच्या बातम्या:
महत्त्वाच्या बातम्या
