Entertainment News : 'भाभी'वर जडलं अभिनेत्याचं प्रेम, कुटुंबाच्या विरोधात जाऊन केलं लग्न, आता आहेत दोन मुलं

Ram Kapoor Love Life : अभिनेता राम कपूर छोट्या पडद्यावरील प्रसिद्ध अभिनेत्यांपैकी एक आहे, त्याची इंटरेस्टिंग लव्ह स्टोरी जाणून घ्या.

Ram Kapoor Love Story

Source : insta

Ram Kapoor Love Story : छोट्या पडद्यावरील प्रसिद्ध नावांपैकी एक म्हणजे अभिनेता राम कपूर. 'बडे अच्छे लगते हैं' या टीव्ही मालिकेतून अभिनेता राम कपूर हे नाव घराघरात पोहोचलं. रामने फक्त टीव्ही सीरियल नाही तर अनेक चित्रपटांमध्येही काम केलं आहे. पण, त्याला खरी प्रसिद्धी सीरियलमधून मिळाली. कसम से, बडे अच्छे लगते हैं या टीव्ही मालिकांसाठी त्याला प्रसिद्धी मिळाली. 'बडे अच्छे लगते हैं' या मालिकेतील राम कपूर आणि साक्षी तंवर यांची जोडी चाहत्यांच्या खास पसंतीस उतरली.

'भाभी'वर जडलं अभिनेत्याचं प्रेम

राम कपूरला खरी प्रसिद्धी 2006 मध्ये आलेल्या 'कसम से' (Kasamh Se) मालिकेतून मिळाली. या मालिकेमध्ये राम कपूरसोबत अभिनेत्री प्राची देसाई मुख्य भूमिकेत झळकली होती. त्यानंतर 2011 मध्ये आलेल्या 'बडे अच्छे लगते हैं' (Bade Achhe Lagte Hain) मालिकेलाही प्रेक्षकांचं भरपूर प्रेम मिळालं. राम कपूर  सलग तीन वर्षे 2006, 2007 आणि 2008 मध्ये सर्वोत्कृष्ट अभिनेत्याचा इंडियन टेलि अवॉर्ड जिंकणारे एकमेव अभिनेता आहेत.

मालिकेच्या सेटवर राम-गौतमीची भेट

अभिनेता राम कपूर याने 1997 मध्ये छोट्या पडद्यावर पदार्पण केलं. पण, त्याला यश चार वर्षानंतर मिळालं. 2000 मध्ये आलेल्या 'घर एक मंदिर' मालिकेतून त्याच्या कामाचं कौतुक होण्यास सुरुवात झाली. याच मालिकेमध्ये त्याला आयुष्याभराची जोडीदारही मिळाली. राम कपूरने 2003 मध्ये गौतमीसोबत लग्न केलं. या दोघांची भेट 'घर एक मंदिर' मालिकेच्या सेटवर झाली होती. तिथून दोघांच्या प्रेमाला सुरुवात झाली.

कुटुंबाच्या विरोधात जाऊन लग्न 

राम कपूरने अभिनेत्री गौतमी कपूरसोबत लग्न केलं. 'घर एक मंदिर' मालिकेच्या सेटवर या दोघांची पहिली भेट झाली होती. या मालिकेत राम कपूर आणि गौतमी कपूर यांनी दीर आणि वहिनीची भूमिका साकारली होती, हे फार कमी लोकांना माहिती आहे. राम कपूर आणि गौतमी एकत्र काम करताना प्रेमात पडले. दरम्यान, गौतमीने त्याआधी व्यावसायिक छायाचित्रकार मधुर श्रॉफशी लग्न केलं होतं. पण दोघांचा लवकरच घटस्फोट झाला आणि त्यानंतर गौतमी कपूर राम कपूरच्या प्रेमात पडली.

आज आहे सुखी कुटुंब

राम कपूर पंजाबी कुटुंबातला होता आणि गौतमी मराठी कुटुंबातीस होती. त्यामुळे दोघांनीही त्यांच्या नात्याला दोघांच्याही पालकांचा विरोध होता. दोघांच्याही घरच्यांनी त्यांचं नातं मान्य केलं नाही. त्यामुळे दोघांनीही कुटुंबाच्या विरोधात जाऊन 14 फेब्रुवारी 2003 रोजी लग्न केलं. आता दोघांना मुलगी सिया आणि मुलगा अक्स अशी दोन मुले आहेत.

महत्त्वाच्या इतर बातम्या :