Ram Charan Birthday Celebration: RC 15 च्या टीमसोबत राम चरणचं प्री-बर्थडे सेलिब्रेशन, चाहत्यांकडून शुभेच्छांचा वर्षाव
Ram Charan Birthday: आज (27 मार्च) राम चरणचा (Ram Charan) 38 वा वाढदिवस आहे. त्याच्या वाढदिवसानिमित्त चाहते सोशल मीडियाच्या माध्यमातून त्याला शुभेच्छा देत आहेत.
Ram Charan Birthday Celebration: आरआरआर (RRR) या चित्रपटानंतर आता राम चरणच्या (Ram Charan) आगामी चित्रपटांची प्रेक्षक उत्सुकतेने वाट बघत आहेत. सध्या राम चरण हा त्याच्या ‘आरसी 15’ (RC 15) या आगामी चित्रपटाचं शूटिंग करत आहे. आज (27 मार्च) राम चरणचा 38 वा वाढदिवस आहे. त्याच्या वाढदिवसानिमित्त चाहते सोशल मीडियाच्या माध्यमातून त्याला शुभेच्छा देत आहेत. राम चरणनं RC 15 च्या टीमसोबत प्री-बर्थडे सेलिब्रेशन केले. RC 15 चित्रपटाच्या सेटवरील राम चरणच्या प्री-बर्थडे सेलिब्रेशनचे फोटो व्हायरल झाले आहेत.
27 मार्च 1985 रोजी राम चरणचा जन्म झाला. त्यानं अनेक हिट चित्रपटांमध्ये काम केलं. लवकरच आरसी 15 हा चित्रपट प्रेक्षकांच्या भेटीस येणार आहे. राम चरणचं प्री-बर्थडे सेलिब्रेशन आरसी 15 च्या सेटवर करण्यात आलं. राम चरणच्या प्री-बर्थडे सेलिब्रेशनच्या फोटोमध्ये अभिनेत्री कियारा आडवाणी (Kiara Advani), कोरिओग्राफर प्रभु देवा (Prabhu Deva) आणि दिग्दर्शक एस शंकर (S Shankar) हे दिसत आहेत. यावेळी राम चरणनं ब्यू डेनिम शर्ट, व्हाईट पँट आणि ब्लॅक गॉगल अशा कूल लूकमध्ये दिसत आहे.
View this post on Instagram
आरसी 15 च्या सेटवर राम चरणचं जंगी स्वागत
काही दिवसांपूर्वी राम चरणनं सोशल मीडियावर एक व्हिडीओ शेअर केला होता. या व्हिडीओमध्ये आरसी 15 ची टीम ऑस्कर पुरस्कार सोहळा पार पडल्यानंतर राम चरणचं सेटवर स्वागत करताना दिसत आहे. व्हिडीओमध्ये प्रभु देवा आणि त्यांची टीम ‘आरआरआर’ चित्रपटामधील ‘नाटू नाटू’ गाण्यावर डान्स करताना दिसत आहे.
राम चरणच्या आरआरआर या चित्रपटाला भारतातच नाही तर जगभरात लोकप्रियता मिळाली. आरआरआर हा 24 मार्च 2022 रोजी प्रेक्षकांच्या भेटीस आला. एसएस राजामौली यांच्या या चित्रपटात राम चरणसोबतच ज्युनिअर एनटीआर, आलिया भट्ट आणि अजय देवगण यांनी प्रमुख भूमिका साकारली. राम चरणने प्रियांका चोप्रासोबत 'जंजीर' चित्रपटाद्वारे बॉलिवूडमध्ये पदार्पण केले होते. आता त्याच्या आरसी 15 या चित्रपटाची प्रेक्षक उत्सुकतेने वाट बघत आहेत. या चित्रपटामध्ये राम चरण आणि कियारा यांची जोडी पाहण्यासाठी प्रेक्षक उत्सुक आहेत.
महत्वाच्या इतर बातम्या:
महत्त्वाच्या बातम्या
