Raksha Bandhan Collection Box Office : अक्षयच्या 'रक्षा बंधन'ची जादू बॉक्स ऑफिसवर नाहीच; पाचव्या दिवशी कमावले 'एवढे' कोटी

रक्षा बंधन (Raksha Bandhan) हा चित्रपट रिलीज होऊन पाच दिवस झाले पण अजूनही हा चित्रपट पन्नास कोटींच्या क्लबमध्ये सामील होऊ शकला नाही.

Raksha Bandhan

Raksha Bandhan Box Office Collection : बॉलिवूडचा खिलाडी अक्षय कुमारच्या (Akshay Kumar) रक्षा बंधन (Raksha Bandhan) या चित्रपटाची चर्चा गेल्या काही दिवसांपासून सोशल मीडियावर होत आहे. हा चित्रपट रिलीज होऊन पाच दिवस झाले पण अजूनही हा चित्रपट पन्नास कोटींच्या क्लबमध्ये सामील होऊ शकला नाही. पाच दिवसांमध्ये या चित्रपटानं तीस कोटींपेक्षा कमाई केली आहे. ओपनिंग-डेला या चित्रपटानं आठ कोटींपेक्षा जास्त कमाई केली. जाणून घेऊयात या चित्रपटाचे आतापर्यंतचं कलेक्शन...

रक्षा बंधन हा चित्रपट रिलीज झाल्यानंतर पहिल्या दिवशी या चित्रपटानं 8.20 कोटींती कमाई केली. तर दुसऱ्या दिवशी या चित्रपटानं 6.40 कोटी कमावले. तीसऱ्या दिवशी या चित्रपटानं 6.51 कोटींची कमाई केली. त्यानंतर चौथ्या दिवशी 6.50 आणि पाचव्या दिवशी 6.50 कोटी कमावले. आतापर्यंत  या चित्रपटानं 33. 50 कोटी कमावले आहेत. रक्षा बंधन आणि लाल सिंह चड्ढा या चित्रपटांची बॉक्स ऑफिसवर टक्कर झाली. पण रक्षा बंधनपेक्षा लाल सिंह चड्ढानं जास्त कमाई केली आहे. लाल सिंह चड्ढानं आतापर्यंत  46.25 कोटींची एकूण कमाई केली आहे.  

तगडी स्टार कास्ट

रक्षा बंधन या चित्रपटामध्ये अक्षय कुमारसोबतच अभिनेत्री भूमी पेडणेकरनं देखील प्रमुख भूमिका साकारली आहे. या चित्रपटाच्या माध्यमातून अक्षय आणि भूमीची जोडी पुन्हा प्रेक्षकांच्या भेटीस आली. याआधी दोघे 'टॉयलेट एक प्रेम कथा' या चित्रपटात एकत्र दिसले होते. तसेच सादिया खतीब, स्मृती श्रीकांत, दीपिका खन्ना आणि सहजमीन कौर या कलाकारांनी देखील या चित्रपटात महत्त्वाची भूमिका साकरली आहे.  या चित्रपटाचे दिग्दर्शन आनंद एल रॉय यांनी केलं आहे.

अक्षयच्या या चित्रपटात भरपूर फॅमिली ड्रामा आहे. बहिण-भावाच्या नात्यातील गोडवा या चित्रपटात प्रेक्षकांना पाहायला मिळतो आहे. जर अक्षयच्या या चित्रपटानं चांगली कमाई केली नाही तर पृथ्वीराज आणि बच्चन पांडेनंतर हा अक्षयचा फ्लॉप चित्रपट ठरेल. 

वाचा इतर महत्त्वाच्या बातम्या: