Annaatth Movie Box Office: रजनीकांतच्या 'अन्नात्थे' चा विक्रम, अवघ्या दोन दिवसांत 100 कोटींचा टप्पा पार

सुपरस्टार रजनीकांत (Rajinikanth) चा 'अन्नात्थे' (Annaatthe) सिनेमा बॉक्स ऑफिसवर चांगलाच धुमाकूळ घालतो आहे. फक्त दोनच दिवसांत या सिनेमाने 100 कोटींचा टप्पा पार केला आहे.

रजनीकांत

Annaatth Box Office: सुपरस्टार रजनीकांतचा (Rajinikanth) चा (Annaatthe) 'अन्नात्थे' सिनेमा दिवाळीच्या मुहुर्तावर सिनेमागृहात प्रदर्शित झाला होता. 'अन्नात्थे' सिनेमाची रजनीकांतचे चाहते खूप प्रतिक्षा करत होते. त्यामुळेच 'अन्नात्थे' सिनेमाने बॉक्स ऑफिसवर चांगलाच धुमाकूळ घातला आहे. फक्त दोनच दिवसांत या सिनेमाने 100 कोटींचा टप्पा पार केला आहे. 

चित्रपटांचे विश्लेषक मनोबाला विजयबालन 'अन्नात्थे' सिनेमाच्या यशाबद्दल म्हणाले, 'अन्नात्थे' सिनेमाने पहिल्याच दिवशी 70.19 कोटींची कमाई करत बॉक्स ऑफिसवर आपला दबदबा कायम ठेवला होता. दुसऱ्या दिवशी 'अन्नात्थे' सिनेमाने 42.63 कोटींची कमाई केली होती. त्यामुळे सिनेमाने फक्त दोन दिवसांत 100 कोटींचा टप्पा पार केला आहे. आतापर्यंत सिनेमाने 112.82 कोटींची कमाई केली आहे.

Superstar #Rajinikanth's #Annaatthe ZOOMS past ₹100 cr at the WW box office in just 2 days.

Day 1 - ₹ 70.19 cr
Day 2 - ₹ 42.63 cr
Total - ₹ 112.82 cr

— Manobala Vijayabalan (@ManobalaV) November 6, 2021

रजनीकांतचे चाहते त्याचा सिनेमा बघण्यासाठी आतुर झाले होते. त्यामुळेच सिनेमाने 100 कोटींचा टप्पा पार केला आहे. 'अन्नात्थे' सिनेमाला असेच यश मिळत राहिले तर आणखी दोन दिवसांत सिनेमा 200 कोटींचा पल्लादेखील पार करेल. 

'अन्नात्थे' सिनेमात रजनीकांतसह सुप्रसिद्ध दाक्षिणात्य अभिनेत्री कीर्ति सुरेशदेखील मुख्य भूमिकेत दिसून येणार आहे. या सिनेमाला 'डी इम्मान' यांनी संगीत दिले आहे. तर दिग्दर्शन सिरुथाई सिवाने केले आहे. रजनीकांतचा हा सिनेमा कौटुंबिक नाट्यावर आधारित आहे. या सिनेमात बहिण-भावाच्या नात्यावर भाष्य केले आहे.