(Source: ECI/ABP News/ABP Majha)
आथिया शेट्टीबरोबरच्या अफेअरची राहुलकडून कबुली, फोटो पोस्ट करत म्हणाला....
Athiya Shetty and KL Rahul relationship : भारताचा धडाकेबाज सलामीवीर फलंदाज के. एल. राहुलनं अखेर आथिया शेट्टीबरोबरच्या नात्यावर कबुली दिली आहे.
Athiya Shetty and KL Rahul relationship : भारताचा धडाकेबाज सलामीवीर फलंदाज के. एल. राहुलनं अखेर आथिया शेट्टीबरोबरच्या नात्यावर कबुली दिली आहे. गेल्या काही दिवसांपासून आथिया आणि क्रिकेटपटू के. एल राहुल यांच्या नात्यांबद्दल सोशल मीडियावर चर्चा सुरु होती. दोघांना अनेक ठिकाणी स्पॉटही करण्यात आलं होतं. दोघांकडून आपल्या नात्यांवर मौन बाळगण्यात आलं होतं. मात्र, स्कॉटलँडविरोधच्या सामन्यानंतर आथिया शेट्टीच्या वाढदिवासचं औचित्य साधत राहुलनं आपल्या नात्याचा खुलासा केला आहे. राहुलनं दोघांचा फोटो सोशल मीडियावर पोस्ट करत आपल्या नात्यावर खुलासा केलाय.
विश्वचषकातील स्कॉलँडबरोबरच्या सामन्यात आथिया शेट्टी स्टेडिअममध्ये उपस्थित होती. राहुलनं अवघ्या 18 चेंडूत धमाकेदार अर्धशतकी खेळी करत भारतीय संघाच्या विजयात मोलाची भूमिका बजावली. राहुलच्या मैदानावरील प्रत्येक फटक्यानंतर आथिया शेट्टी चिअर करताना दिसत होती. पाच नोव्हेंबर रोजी आथियाचा वाढदिवस असतो. त्याचं औचित्य साधत राहुलनं सामन्यानंतर शुभेच्छा देताना आपलं नातं जग जाहीर केलं आहे. वाढदिवसाच्या शुभेच्छा देताना राहुलनं अथियासोबतचा फोटो पोस्ट केला. त्याने आपल्या कॅप्शनमध्ये अथियासोबतचे नाते जगासमोर आणले. यावेळी त्यानं कॅप्शनमध्ये ‘Happy birthday my ❤’ असं लिहित अथियासोबतच्या नात्यावर शिक्कामोर्तब केले आहे.
View this post on Instagram
अथिया बॉलिवूड अभिनेता सुनील शेट्टी याची मुलगी आहे. आथियानं 2015 मध्ये हिरो चित्रपटातून बॉलिवूडमध्ये पदार्पण केलं होतं. एका जाहीरातीदरम्यान राहुल आणि आथिया यांची भेट झाली. त्यानंतर दोघांमध्ये जवळीक वाढली. त्यानंतर लंडन येथे त्यांना एकत्र पाहिलं गेलं. यावेळचा फोटोंनी सोशल मीडियावर धुमाकूळ माजवला होता. तसं पाहायला गेलं तर बॉलिवूड आणि क्रिकेट हे खूप जवळचं नातं आहे. अनेक क्रिकेटपटू आणि बॉलिवूड अभिनेत्री यांच्या अफेअरच्या चर्चा रंगल्या. काहींनी लगिनगाठ बांधली. यापैकी युवराज – हेजल, विराट कोहली-अनुष्का शर्मा आणि झहीर खान-सागरिका घाटगे ही नावे जगजाहीर आहेत. यामध्ये आता आथिया शेट्टी आणि के. एल. राहुल यांच्या नावाची भर पडली आहे. माजी कर्णधार एम. एस. धोनी याचेही नाव एका अभिनेत्रीसोबत जोडलं गेलं होतं.
महत्त्वाच्या बातम्या
ट्रेंडिंग न्यूज
