Pushpa 2 New Poster: फहाद फासिलच्या वाढदिवसानिमित्त चाहत्यांना गिफ्ट; 'पुष्पा-2' चं नवं पोस्टर रिलीज
अभिनेता फहाद फासिलच्या (Fahadh Faasil) वाढदिवसानिमित्त पुष्पा-2 (Pushpa 2) चित्रपटाचं नवं पोस्टर सोशल मीडियावर शेअर करण्यात आलं आहे.
Pushpa 2 New Poster: दाक्षिणात्य चित्रपटसृष्टीतील सुपरस्टार अल्लू अर्जुनच्या (Allu Arjun) पुष्पा-2 (Pushpa 2) या चित्रपटाची प्रेक्षक उत्सुकतेने वाट बघत आहेत. काही दिवसांपूर्वी पुष्पा-2 या चित्रपटामधील अल्लू अर्जुनच्या लूकचा फोटो सोशल मीडियावर शेअर करण्यात आला. आता अभिनेता फहाद फासिलच्या (Fahadh Faasil) वाढदिवसानिमित्त पुष्पा-2 मधील पुष्पा चित्रपटाच्या टीमनं चाहत्यांना एक गिफ्ट दिलं आहे. नुकताच सोशल मीडियावर पुष्पा-2 या चित्रपटातील भंवर सिंह शेखावत या भूमिकेच्या लूकचा फोटो शेअर करण्यात आला आहे. भंवर सिंह शेखावत ही भूमिका फहाद फासिल हा साकारतो.
फहाद फासिलच्या भंवर सिंह शेखावत या भूमिकेच्या लूकचा फोटो पुष्पा मुव्ही या इन्स्टाग्राम अकाऊंटवरुन शेअर करण्यात आला आहे. या फोटोला कॅप्शन देण्यात आलं, 'Pushpa2 The Rule च्या टीमकडून फहाद फासिलला वाढदिवसाच्या खूप खूप शुभेच्छा, भंवर सिंग शेखावत सर पुन्हा एकदा मोठ्या पडद्यावर येणार आहेत.' पुष्पा-2 च्या या नव्या पोस्टरमधील फहाद फासिलच्या या लूकनं अनेकांचे लक्ष वेधले आहे.
पाहा पोस्टर:
View this post on Instagram
'कायथुम दुरथ' या चित्रपटामधून फहादनं अभिनय क्षेत्रात पदार्पण केलं. त्यानं 'सी यू सून', 'जोजी' आणि 'मालिक' या चित्रपटांमध्ये काम केलं. आता फहादच्या पुष्पा 2 या चित्रपटाची प्रेक्षक उत्सुकतेने वाट बघत आहेत.
कधी रिलीज होणार पुष्पा-2?
पुष्पा 2 द रुल या चित्रपटाचं दिग्दर्शन सुकुमार यांनी केले असून यात अल्लू अर्जुन, रश्मिका मंदान्ना आणि फहाद फासिल या कलाकारांनी प्रमुख भूमिका साकारली आहे. या चित्रपटाची निर्मिती मैत्री मुव्ही मेकर्सने केली आहे. हा चित्रपट 22 डिसेंबर 2023 रोजी प्रदर्शित होणार आहे.
पुष्पा द राइज (Pushpa: The Rise - Part 1) हा चित्रपट 2021 मध्ये रिलीज झाला होता. या चित्रपटानं बॉक्स ऑफिसवर धुमाकूळ घातला. पुष्पा द राइज या चित्रपटातील श्रीवल्ली,सामी सामी,ओ अंटवा या गाण्यांना प्रेक्षकांची पसंती मिळाली. आता पुष्पा 2 या चित्रपटाची प्रेक्षक उत्सुकतेने वाट बघत आहेत.
काही दिवसांपूर्वी पुष्पा द रुल या चित्रपटाचा एक व्हिडीओ पुष्पा चित्रपटाच्या टीमनं सोशल मीडियावर शेअर केला. या व्हिडीओमध्ये पुष्पा हा तुरुंगातून फरार झाल्याचे दिसला.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
