Lallat : तमाशाच्या फडातील मुलीच्या प्रेमाची व्यथा मांडणारा 'लल्लाट' लवकरच येणार प्रेक्षकांच्या भेटीला!
Lallat: ‘स्टोरी ऑफ लागीरं’ चित्रपटाच्या यशानंतर आता लगेच रोहित राव नरसिंगे (Roheet Rao Narsinge) यांनी त्यांचा दुसरा चित्रपट 'लल्लाट'ची घोषणा केली आहे.
Lallat Marathi Movie: नुकताच रोहित राव नरसिंगे लिखित आणि दिग्दर्शित ‘स्टोरी ऑफ लागीरं’ हा चित्रपट (Marathi Movie) मराठी टेलिव्हिजनवर प्रदर्शित झाला. या चित्रपटास महाराष्ट्रातील प्रेक्षक वर्गाने भरभरून प्रेम दिले. या चित्रपटाच्या यशानंतर आता लगेच रोहित राव नरसिंगे (Roheet Rao Narsinge) यांनी त्यांचा दुसरा चित्रपट 'लल्लाट'ची घोषणा केली आहे. त्यामुळे प्रेक्षक वर्गासाठी हटके नावाचा ‘लल्लाट’ (Lallat) हा चित्रपट सध्या कुतूहलाचा विषय ठरला आहे. महाराष्ट्रामधील सर्व प्रेक्षकांमध्ये हा चित्रपटाविषयीची उत्सुकता वाढलेली दिसत आहे.
‘लल्लाट’ (Lallat Marathi Movie) हा चित्रपट मॅक फिल्म्स प्रोडक्शन आणि एम आर जोकर एन्टरटेन्मेंट या चित्रपट निर्मिती संस्थे अंतर्गत होणार आहे, अशी माहिती सध्या सोशल मीडियावर मिळत आहे. या चित्रपटाचे निर्माते महादेव अशोक चाकणकर असून ‘लल्लाट’ हा चित्रपट त्यांची निर्मिती असलेला पहिलाच चित्रपट आहे.
पाहा पोस्टर :
लेखक-दिग्दर्शक रोहित राव नरसिंगे यांच्या संकल्पनेमधील ‘स्टोरी ऑफ लागीर’ या चित्रपटास प्रेक्षक वर्ग आणि रसिक वर्गाने भरभरून प्रेम दिले. त्यामुळे आगामी चित्रपट ‘लल्लाट’ यात नेमकं काय बघायला मिळणार? याबाबत सगळ्यांनाच कुतुहल आहे. नुकतीच ‘लल्लाट’ या नव्याकोऱ्या चित्रपटाची घोषणा करण्यात आली आहे.
काय आहे कथानक?
‘लल्लाट’ (Lallat) असं या चित्रपटाचं अतिशय अनोखं शीर्षक आहे. ‘लल्लाट’ या शीर्षकाचा संबंध येथे नशिबाशी आणि त्यात एका तमाशामध्ये लावणी नृत्य करणाऱ्या मुलीच्या नशिबाशी केलेला आहे. आपलं एका श्रीमंत मुलाशी असलेलं प्रेम बाजूला ठेवून, त्याच्या आयुष्यात प्रेम कसं भरता येईल याचा प्रयत्न करणाऱ्या मुलीची, तसेच समाजाच्या विरुद्ध जाऊन एका तमासगीर मुलीला समाजात मान मिळवून देण्याचा प्रयत्न करणाऱ्या मुलाची कथा या चित्रपटात पाहायला मिळणार आहे. आपल्या प्रेमाची आहुती देणाऱ्या तमासगीर मुलीचा रोमहर्षक प्रेमप्रवास 'लल्लाट' मध्ये पाहायला मिळणारं आहे.
पुढच्यावर्षी चित्रपट होणार रिलीज!
मॅक फिल्मस प्रोडक्शन, एएस डी डिझाइन आणि एम आर जोकर एन्टरटेन्मेंट निर्मिती अंतर्गत बनत असलेला 'लल्लाट' या चित्रपटाच लेखन आणि दिग्दर्शन रोहित राव नरसिंगे स्वतः करणार आहेत. महादेव अशोक चाकणकर,अनिल मदनसुरी आणि रोहित राव नरसिंगे हे या चित्रपटाचे निर्माते आहेत. ’लल्लाट’ हा चित्रपट एप्रिल 2023ला चित्रपट रसिक दरबारी म्हणजेच चित्रपटगृहात प्रदर्शित होणार आहे.
हेही वाचा :
महत्त्वाच्या बातम्या
