एक्स्प्लोर

Orry:"भाई तू नक्की काय काम करतो?"; अभिनेत्रीला कायम चिकटून असणाऱ्या 'ओरी' नं अखेर सांगूनच टाकलं

Orry: ओरी हा सोशल मीडियावर विविध अभिनेत्रींसोबतचे फोटो शेअर करतो. अशातच गेल्या काही दिवसांपासून "ओरहान नक्की काय काम करतो?" हा प्रश्न अनेकांना पडला आहे. आता ओरीनं या प्रश्नाचं उत्तर दिलं आहे.

By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 23 Nov 2023 12:42 PM (IST)

Orry

Orry: सोशल मीडिया हे असं प्लॅटफॉर्म आहे, जिथे प्रसिद्धी मिळवण्याचा अनेकजण प्रयत्न करत असतात. विविध फोटो आणि व्हिडीओ शेअर करुन अनेक जण सोशल मीडियावर प्रसिद्ध होण्याचा प्रयत्न करतात. पण एक असा व्यक्ती आहे, ज्यानं विविध अभिनेत्रींसोबतचे फोटो पोस्ट करुन विशेष प्रसिद्धी मिळवली आहे. या व्यक्तीचं नाव ओरहान अवत्रामणी (Orhan Awatramani) असं आहे. ओरहान हा ओरी (Orry) या नावानं देखील ओळखला जातो. ओरी हा सोशल मीडियावर विविध अभिनेत्रींसोबतचे फोटो शेअर करतो. अशातच गेल्या काही दिवसांपासून "ओरहान नक्की काय काम करतो?" हा प्रश्न अनेकांना पडला आहे. आता ओरीनं या प्रश्नाचं उत्तर दिलं आहे.

ओरीची सोशल मीडियावर चर्चा

ओरीची गेल्या काही दिवसांपासून सोशल चर्चा होत आहे. ओरी नेमकं काय काम करतो? त्याची लाईफस्टाईल कशी आहे? या सर्व गोष्टींबाबत जाणून घेण्यास नेटकरी उत्सुक होते. अशातच ओरीनं एका मुलाखतीमध्ये त्याच्या कामाबद्दल सांगितलं आहे.

ओरी म्हणतो. "मी लिव्हर आहे"

एका मुलाखतीमध्ये ओरीनं सांगितलं, "तुम्ही नोकरीसाठी जात असाल तर, तुम्ही नोकरदार आहात. तुम्ही चित्र काढत असाल तर, तुम्ही चित्रकार आहात. तसेच मी जगत आहे, त्यामुळे मी एक लिव्हर आहे. होय, मी लिव्हर आहे."

ओरीनं नुकतीच इन्स्टाग्रामवर एक पोस्ट शेअर केली आहे. या पोस्टमध्ये त्यानं मुलाखतीमधील व्हिडीओ शेअर करुन कॅप्शनमध्ये लिहिलं, "भाई तू नक्की काय करतो?, हा प्रश्न कृपया पुन्हा मला कोणी विचारु नका, आता तुम्हाला कळालं असेल मी काय करतो"

सोशल मीडियावर मिम्सचा पाऊस

ओरीच्या मुलाखतीमधील व्हिडीओ सोशल मीडियावर व्हायरल झाल्यावर अनेकांनी ओरीनं दिलेल्या उत्तराचे मिम तयार केलं आहे. "ओरीला कधीही विचारु नाका की, 'तो उदरनिर्वाहासाठी काय करतो?' कारण तो फक्त एक लिव्हर आहे." असं ट्वीट एका नेटकऱ्यानं केलं आहे. तर दुसऱ्या युझरनं ट्विटरवर एक मिम शेअर केलं आहे. या मिममध्ये ओरीचा फोटो एका यकृतामध्ये दिसत आहे. या फोटोला या युझरनं कॅप्शन दिलं, "मी इथे जगण्यासाठी आहे कारण मी लिव्हर आहे- ओरी बाबा !!"