Samrat Prithviraj : 'सम्राट पृथ्वीराज' सिनेमाचा नवा ट्रेलर रिलीज; महिलांच्या सन्मानाबद्दल अक्षय कुमार म्हणाला...

Samrat Prithviraj : 'पृथ्वीराज' सिनेमाचे नाव आता 'सम्राट पृथ्वीराज' असे ठेवण्यात आले आहे. त्यामुळे आता या सिनेमाचा नवा ट्रेलर रिलीज करण्यात आला आहे.

Samrat Prithviraj

Samrat Prithviraj : बॉलिवूड अभिनेता अक्षय कुमारचा (Akshay Kumar) बहुचर्चित 'सम्राट पृथ्वीराज' (Samrat Prithviraj) हा सिनेमा लवकरच प्रेक्षकांच्या भेटीला येणार आहे. राजा पृथ्वीराज चौहान यांच्या जीवनावर आधारित हा सिनेमा आहे. या सिनेमात अक्षय कुमार पृ्थ्वीराज चौहान यांच्या भूमिकेत दिसणार आहे. नुकतेच या सिनेमाचे नाव बदलण्यात आले आहे. आता सिनेमाचे नाव बदलल्यानंतर निर्मात्यांनी या सिनेमाचा नवा ट्रेलर रिलीज केला आहे. 

सिनेमाच्या नव्या ट्रेलरमध्ये अक्षय कुमारचा पुन्हा एकदा शाही अंदाजात दिसत आहे. सिनेमाच्या नव्या ट्रेलरमध्ये अक्षय कुमार महिलांचा सन्मान आणि बरोबरी करताना दिसत आहे. अक्षयचा हा अवतार प्रेक्षकांच्या पसंतीस उतरत आहे. ट्रेलर रिलीज झाल्यामुळे प्रेक्षकांची उत्सुकता आणखी वाढली आहे. प्रेक्षक आता सिनेमाची प्रतीक्षा करत आहेत. अक्षय कुमारनेदेखील सिनेमाचा ट्रेलर शेअर केला आहे. 

कलाकारांची फौज!

चंद्रप्रकाश द्विवेदी यांनी पृथ्वीराज या चित्रपटाचे दिग्दर्शन केले आहे. यशराज फिल्म्सच्या बॅनरखाली या चित्रपटाची निर्मिती होत आहे. राजा पृथ्वीराज चौहान यांच्या जीवनावर आधारित या सिनेमात अभिनेता अक्षय कुमार राजा पृथ्वीराज यांच्या भूमिकेत दिसणार आहे. त्याचबरोबर मानुषी छिल्लर संयोगिताच्या भूमिकेतून बॉलिवूडमध्ये पदार्पण करणार आहे. अक्षय आणि मानुषीशिवाय या चित्रपटात सोनू सूद (Sonu Sood), संजय दत्त (Sanjay Dutt), आशुतोष राणा (Ashutosh Rana), मानव विज (Manav Vij), साक्षी तन्वर (Sakshi Tanwar), ललित तिवारी (Lalit Tiwari) यांच्याही महत्त्वाच्या भूमिका दिसणार आहेत.

टीका आणि विरोधामुळे बदलले सिनेमाचे नाव

प्रचंड टीका आणि विरोधामुळे, निर्मात्यांनी नुकतेच या सिनेमाचे नाव बदलण्याची घोषणा केली होती. आता या ऐतिहासिक सिनेमाचे नाव बदलून ‘सम्राट पृथ्वीराज’ (Samrat Prithviraj) करण्यात आल्याची माहिती निर्मात्यांनी नुकतीच दिली होती. अधिकृतपणे चित्रपटाचे शीर्षक बदलल्यानंतर, निर्मात्यांनी सिनेमाचे नवीन पोस्टर रिलीज केले होते. आता निर्मात्यांनी सिनेमाचा नवीन ट्रेलरदेखील शेअर केला आहे. 

ट्रेलर पाहा : 

संबंधित बातम्या