'फादर्स डे'निमित्त 'संजू'ची 'जादू की झप्पी'

संजय दत्तच्या आयुष्यावर आधारीत 'संजू' या सिनेमाचं एक खास पोस्टर 'फादर्स डे'निमित्त प्रदर्शित करण्यात आलं आहे. सिनेमाचे दिग्दर्शक राजकुमार हिरानी यांनी आपल्या ट्विटर अकाऊंटवर हे पोस्टर शेअर केलं आहे.

मुंबई : संजय दत्तच्या आयुष्यावर आधारीत 'संजू' या सिनेमाचं एक खास पोस्टर 'फादर्स डे'निमित्त प्रदर्शित करण्यात आलं आहे. पोस्टरमध्ये संजय दत्तची भूमिका साकारणारा रणबीर कपूर आणि सुनील दत्त यांची भूमिका साकारणाऱ्या परेश रावल एकमेकांना 'जादू की झप्पी' देताना दिसत आहे. सिनेमाचे दिग्दर्शक राजकुमार हिरानी यांनी आपल्या ट्विटर अकाऊंटवर हे पोस्टर शेअर केलं आहे.

Here’s a Father's Day exclusive from #Sanju. #JaaduKiJhappi#RanbirKapoor @FoxStarHindi @VVCFilms #RajkumarHiraniFilms pic.twitter.com/dQemfGRJzL

— Rajkumar Hirani (@RajkumarHirani) June 17, 2018

फॉक्स स्टारनेही रणबीर कपूरचा एक व्हिडीओ त्यांच्या ट्विटर हँडलवर शेअर केला आहे. व्हिडीओमध्ये रणबीर कपूरने सर्वांना 'फादर्स डे' निमित्त शुभेच्छा दिल्या. तसेच 'संजू' सिनेमाबाबत खूप उत्साही असल्याचंही रणबीरने यावेळी सांगितले. रणबीर पुढे म्हणाला की, 'तुम्ही संजू सिनेमातील सीन्स तुम्ही पाहिले असतील. तुम्ही माझं आणि परेशजी यांचं पोस्टरही पाहिलं असेल. आज आम्ही फादर्स डे साजरा करत आहोत. तुम्हीही तुमची स्टोरी #JaaduKiJhappi हे हॅशटॅग वापरून शेअर करू शकता.'

3 more hours to go before Ranbir Kapoor goes LIVE on our handle! BTW, have you given your dad a #JaaduKiJhappi yet? @chintskap #Sanju @rajkumarhirani @VVCFilms pic.twitter.com/FH8Visitsz

— Fox Star Hindi (@foxstarhindi) June 17, 2018

संजू सिनेमाचा ट्रेलर आणि एक गाणं प्रदर्शित करण्यात आलं आहे. संजू सिनेमाच्या ट्रेलर आणि गाण्यांला प्रेक्षकांनीही पसंती दिली असून आता सिनेमाची उत्सुकता आणखी वाढली आहे. संजू सिनेमा 29 जूनला प्रदर्शित होणार आहे.

सिनेमात अभिनेत्री मनिषा कोईराला संजय दत्तच्या आईच्या भूमिकेत दिसणार आहे. तर परेश रावल संजय दत्तचे वडील सुनील दत्त यांच्या भूमिकेत दिसतील. याशिवाय अनुष्का शर्मा, सोनम कपूर, दिया मिर्झा हे कलाकारही प्रमुख भूमिकेत आहेत.