Navardev Bsc Agri: शेतकरी राजाची गोष्ट मांडणाऱ्या ‘नवरदेव Bsc Agri’चा ट्रेलर रिलीज, चित्रपट 'या' दिवशी येणार प्रेक्षकांच्या भेटीला
Navardev Bsc Agri Trailer out: अभिनेता क्षितिज दाते आणि अभिनेत्री प्रियदर्शिनी इंदलकर यांचा नवरदेव Bsc Agri हा चित्रपट देखील लवकरच प्रेक्षकांच्या भेटीला येणार आहे. या चित्रपटाचा ट्रेलर नुकताच प्रेक्षकांच्या भेटीला आला आहे.
Navardev Bsc Agri Trailer out: वेगवेगळ्या विषयांवर आधारित असणारे मराठी चित्रपट प्रेक्षकांच्या भेटीला येतात. या चित्रपटांना प्रेक्षकांची पसंती देखील मिळते. आगामी मराठी चित्रपटांची प्रेक्षक उत्सुकतेने वाट बघत असतात. अशताच आता अभिनेता क्षितिज दाते (Kshitij Date) आणि अभिनेत्री प्रियदर्शिनी इंदलकर (Priyadarshini Indalkar) यांचा नवरदेव Bsc Agri हा चित्रपट देखील लवकरच प्रेक्षकांच्या भेटीला येणार आहे. या चित्रपटाचा ट्रेलर नुकताच प्रेक्षकांच्या भेटीला आला आहे. या ट्रेलरला प्रेक्षकांची पसंती मिळत आहे.
शेतकरी राजाची गोष्ट मांडणारा 'नवरदेव Bsc Agri'
नवरदेव Bsc Agri या चित्रपटात शेतकरी राजाची गोष्ट मांडण्यात आली आहे. या चित्रपटाच्या ट्रेलरमध्ये दिसत आहे की गावातील एका तरुणाला शेतीमध्ये विविध प्रयोग करायचे असतात. अशातच या तरुण्याचे कुटुंब त्याचं लग्न लावून देण्याची तयारी करत असतात. शेतकऱ्याला लग्न करताना कोणत्या अडचणीला सामोरं जावं लागतं? तसेच मुलीच्या कुटुंबाच्या आपेक्षा शेतकरी तरुण पूर्ण करु शकतो की नाही? हे नवरदेव Bsc Agri या चित्रपटात दाखवण्यात येणार आहे.
चित्रपटाची स्टार कास्ट
नवरदेव Bsc Agri या चित्रपटात मकरंद अनासपुरे , क्षितिज दाते, प्रविण तरडे, प्रियदर्शिनी इंदलकर,गार्गी फुले, रमेश परदेशी,नेहा शितोळे, हार्दिक जोशी,तानाजी गलगुंडे, अनिरुद्ध खुटवड या कलाकारांनी काम केलं आहे. या चित्रपटाच्या ट्रेलरमध्ये इतर कलाकारांची झलक देखील बघायला मिळते.
पाहा ट्रेलर:
View this post on Instagram
कधी रिलीज होणार चित्रपट?
नवरदेव Bsc Agri हा चित्रपट 26 जानेवारी 2024 रोजी प्रेक्षकांच्या भेटीला येणार आहे. या चित्रपटाची प्रेक्षक उत्सुकतेने वाट बघत असून या चित्रपटाच्या ट्रेलरला देखील प्रेक्षकांची पसंती मिळत आहे. प्रियदर्शिनी इंदलकरनं या चित्रपटाचा ट्रेलर सोशल मीडियावर शेअर केला आहे. या ट्रेलरला कमेंट करुन अनेकांनी ट्रेलरचं कौतुक केलं आहे.
प्रियदर्शिनी इंदलकरला महाराष्ट्राची हास्यजत्रा या कार्यक्रमामुळे विशेष लोकप्रियता मिळाली. या कार्यक्रमातील प्रियदर्शिनीच्या विनोदी शैलीचं अनेक जण कौतुक करतात. तसेच 'लोकमान्य' या मालिकेतून क्षितिज दाते हा प्रेक्षकांच्या भेटीला आला. आता क्षितिज दाते आणि प्रियदर्शिनी इंदलकर यांच्या नवरदेव Bsc Agri या चित्रपटाची प्रेक्षक उत्सुकतेने वाट बघत आहेत.
इतर महत्वाच्या बातम्या:
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
