Munjya Box Office Collection Day 18 : बॉक्स ऑफिसवरून 'मुंज्या'चं भूत उतरेना, 18 व्या दिवशी किती केली कमाई?
Munjya Box Office Collection Day 18 : कमी बजेटमध्ये आणि कोणत्याही मोठ्या कलाकाराशिवाय असलेल्या 'मुंज्या'ला तिसऱ्या आठवड्यातही चांगला प्रतिसाद मिळत आहे.
Munjya Box Office Collection Day 18 : आदित्य सरपोतदार (Aditya Sarpotdar) दिग्दर्शित हॉरर-कॉमेडी चित्रपट 'मुंज्या'ची (Munjya) बॉक्स ऑफिसवर तिसऱ्या आठवड्यातही जादू कायम आहे. कमी बजेटमध्ये आणि कोणत्याही मोठ्या कलाकाराशिवाय असलेल्या 'मुंज्या'ला तिसऱ्या आठवड्यातही चांगला प्रतिसाद मिळत आहे. रिलीजच्या सहाव्या दिवशीच 'मुंज्या'ने आपले बजेट वसूल केले होते. रिलीजच्या तिसऱ्या सोमवारी प्रेक्षकांचा चांगला प्रतिसाद मिळाला.
'मुंज्या'ने 18 व्या दिवशी किती कमाई केली?
चित्रपटगृहांमध्ये ‘मुंज्या’ ला चांगलाच प्रतिसाद मिळत आहे. दररोज या चित्रपटाची कमाई होत आहे. ‘मुंज्या’ने त्याचे बजेट फार पूर्वीच वसूल केले होते, आता हा चित्रपट प्रचंड नफा कमावत आहे. बॉक्स ऑफिसवर 'मुंज्या'ने आपली पकड मजबूत ठेवली असून कार्तिक आर्यनच्या 'चंदू चॅम्पियन'ला जोरदार टक्कर देत आहे. 'मुंज्या'ची क्रेझ कायम असून तिसऱ्या वीकेंडलाही हा चित्रपट पाहण्यासाठी चित्रपटगृहांमध्ये मोठी गर्दी पाहायला मिळाली होती.
सॅकनिल्कच्या रिपोर्टनुसार, 'मुंज्या'ने पहिल्या आठवड्यात 35.3 कोटी रुपये आणि दुसऱ्या आठवड्यात 32.65 कोटींची कमाई केली. आता हा चित्रपट रिलीजच्या तिसऱ्या आठवड्यातही जोरदार कमाई करत आहे. तिसऱ्या शुक्रवारी चित्रपटाने 3 कोटींची कमाई केली, तर तिसऱ्या शनिवारी 'मुंज्या'ने 5.5 कोटींचा व्यवसाय केला. तर तिसऱ्या रविवारी चित्रपटाचा व्यवसाय 6.85 कोटींच्या घरात होता. आता 'मुंज्या'च्या रिलीजच्या तिसऱ्या सोमवारच्या कमाईचा प्राथमिक अंदाज समोर आला आहे.
सॅकनिल्कच्या प्राथमिक अंदाजानुसार मुंज्याने 18 व्या दिवशी 2.10 कोटींची कमाई केली. 'मुंज्या'आता 18 दिवसांमध्ये साधारणपणे 85.40 कोटींच्या घरात कमाई केली.
'मुंज्या'ला ब्रेक लावणार 'कल्कि 2898 एडी'?
बॉक्स ऑफिसवर ‘मुंज्या’ची चांगली कमाई होत आहे. चित्रपटाने रिलीजच्या अवघ्या 18 दिवसांत 85 कोटींहून अधिक कमाई केली आहे आणि 100 कोटी क्लबमध्ये प्रवेश करण्याच्या दिशेने वेगाने वाटचाल करत आहे. मात्र, आता मुंज्याच्या कमाईवर ब्रेक लागण्याची शक्यता वर्तवली जात आहे. प्रभास, अमिताभ बच्चन, दीपिका पदुकोण, कमल हासन अशी तगडी स्टारकास्ट असलेला 'कल्की 2898 एडी' हा चित्रपट देखील या आठवड्यात थिएटरमध्ये प्रदर्शित होत आहे. या सायफाय चित्रपटाची प्रचंड क्रेझ पाहायला मिळत आहे. त्यामुळे मोठी स्टारकास्ट असलेला हा चित्रपट 'मुंज्या'च्या कमाईला ब्रेक लावू शकतो.
‘मुंज्या’ ने दिली मोठ्या चित्रपटांना मात...
फक्त 30 कोटींच्या बजेटमध्ये तयार झालेल्या ‘मुंज्या’ ने अनेक मोठ्या चित्रपटांना मात दिली आहे. या चित्रपटाने 350 कोटींचे बजेट असलेली ‘बड़े मियां छोटे मिया’ आणि 200 कोटींचा बजेट असलेल्या अजय देवगणची भूमिका असलेल्या मैदान चित्रपटाला मात दिली आहे. ‘बड़े मियां छोटे मिया’ ने बॉक्स ऑफिसवर 65 कोटींची कमाई केली. तर, 'मैदान'ने 52 कोटींची कमाई केली होती.
इतर संबंधित बातम्या :
महत्त्वाच्या बातम्या
