Mumbai : 'महादेव ऑनलाईन गेमिंग अॅप'वर ईडीचे छापे; टायगर श्रॉफ, सनी लिओनीसह 14 बॉलिवूडकर रडारवर

Mumbai : महादेव ऑनलाइन गेमिंग अॅपच्या कंपनीवर ईडीने छापेमारी टाकली आहे.

Mumbai

Mumbai : 'महादेव ऑनलाइन गेमिंग अॅप'च्या (Mahadev Online Gaming App) कंपनीवर ईडीने (ED) छापेमारी टाकली आहे. या छापेमारीमध्ये 417 कोटी रुपयांची रक्कम गोठवली आहे. बॉलिवूडचे अनेक कलाकार सध्या ईडीच्या रडारवर आहेत. टायगर श्रॉफ (Tiger Shroff), सनी लिओनी (Sunny Leone), नेहा कक्कडसह (Neha Kakkar) अनेक कलाकार ईडीच्या रडारवर आहेत.  

नेमकं प्रकरण काय?

महादेव ऑनलाइन गेमिंग अॅपमध्ये मनी लाँड्रिंगसंदर्भात एका भव्य लग्नाचा व्हिडीओ समोर आला आहे. हा व्हिडीओ मुख्य आरोपी सौरभ चंद्राकरच्या (Saurabh Chandrakar) लग्नसोहळ्यातील आहे. मुख्य आरोपी हा अॅपच्या संस्थापकांपैकी एक आहे. सौरभ चंद्रकरच्या लग्नसोहळ्याला अनेक कलाकार उपस्थित होते. या लग्नसोहळ्याचा व्हिडीओ आणि कलाकारांची यादी आता समोर आली आहे. ईडीकडून मुंबईसह राज्यात 39 ठिकाणी छापेमारी करण्यात आली आहे.

महादेव ऑनलाईन गेमिंग अॅपशी संबंधित मनी लाँड्रिंग प्रकरणात ईडीने गेल्या काही दिवसांत मुंबईसह (Mumbai) राज्यात विविध ठिकाणी छापेमारी केली आहे. त्यादरम्यान त्यांनी 417 कोटी रुपयांची रक्कम गोठवली आहे. आता 14 बॉलिवूडकर ईडीच्या रडारवर आले आहेत. महादेव अॅप प्रकरणातील एका आरोपीचा लग्नसोहळ्याचा व्हिडीओ आता समोर आला आहे. या सोहळ्याला अनेक बॉलिवूड सेलिब्रिटींनी हजेरी लावली. लग्नाचा खर्च ईडीच्या स्कॅनरखाली असून गेमिंग अॅपवरुन बेकायदेशीर रोख रक्कम मिळवण्याचा प्रयत्न केल्याचा दावा करण्यात आला आहे. 

ईडीच्या रडारवर असलेल्या सेलिब्रिटींची नावे जाणून घ्या...

1. टायगर श्रॉफ (Tiger Shroff)
2. सनी लिओनी (Sunny Leone)
3. आतिफ अस्लम (Atif Aslam)
4. राहत फतेह अली खान (Rahat Fateh Ali Khan)
5. अली अजगर (Ali Asgar)
6. विशाल ददलानी (Vishal Dadlani)
7. नेहा कक्कड (Neha Kakkar)
8. एली एवराम (Elli Avrram)
9. भारती सिंह (Bharti Singh)
10. भाग्यश्री (Bhagyashree)
11. पुलकित (Pulkit)
12. किर्ती खबंदा (Kriti Kharbanda)
13. नुसरत भरुचा (Nushrratt Bharuccha)
14. कृष्णाभिषेक (Krushna Abhishek)

बॉलिवूड सेलिब्रिटी आणि गायक मनी लाँड्रिंग प्रकरणी ईडीच्या रडारवर आहेत. ईडीने (ED) कोलकाता, भोपाळ, मुंबई इत्यादी शहरांमध्ये महादेव ऑनलाईन गेमिंग अॅपशी जोडलेल्या मनी लाँड्रिंग नेटवर्कच्या विरोधात शोध घेतला असून पुरावे मिळवले आहेत. याप्रकरणी 417 कोटी रुपयांची रक्कम गोठवण्यात आली आहे. सूत्रांनी दिलेल्या माहितीनुसार, गेल्या आठवड्यात ईडीने काळबादेवी येथील आठ अंगडियांच्या परिसराची झडती घेतली. या अंगडियाने काही महिन्यांपूर्वी महादेव बुक अॅप ऑनलाइन गेमिंग सट्टेबाजी फर्मच्या प्रवर्तकांना सुमारे 106 कोटी रुपयांची रोख शहरातील इव्हेंट मॅनेजमेंट फर्मला वितरित करण्यात मदत केली आहे.

संबंधित बातम्या