Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...
BMW असो वा पहिली व्हॅनिटी, प्रत्येक नव्या गाडीचं स्टिअरिंग वडिलांच्या हाती, भरत जाधव माझा कट्टावर भरभरुन बोलला!
Bharat Jadhav on Majha Katta : सिनेमा, ओटीटी, वेबसीरिज, मालिका या सर्व गोष्टींपेक्षा अभिनेते भरत जाधव (Bharat Jadhav) हे रंगभूमीवरच जास्त रमले आहेत. याबद्दल माझा कट्ट्यावर (Majha Katta) भरत जाधव म्हणाले,"रंगभूमीवर मी घडलो आहे. एकांकिकेपासून काम करायला मी सुरुवात केली. चित्रपट, मालिका हीदेखील माध्यम आहेत. पण पण रंगभूमीची एक वेगळी गंमत आहे. मजा आहे. लाईव्हचा विनोद कधी फसत नाही. स्टेजवर काम करताना एक वेगळचं समाधान मिळतं. रंगमंचावर काम करताना येणारी गंमत आजही मला आवडते. BMW असो वा पहिली व्हॅनिटी, प्रत्येक नव्या गाडीचं स्टिअरिंग वडिलांच्या हाती दिलं आहे". अभिनेता भरत जाधव यांचा माझा कट्टा विशेष भाग प्रेक्षकांना आज रात्री 9 वाजता एबीपी माझावर पाहायला मिळेल.
सविस्तर बातमी वाचण्यासाठी क्लिक करा
Kastoori : राष्ट्रीय पुरस्कार विजेत्या 'कस्तुरी'ची रिलीज डेट ढकलली पुढे; नेमकं प्रकरण काय?
Kastoori Movie Release Date : राष्ट्रीय पुरस्कार विजेत्या 'कस्तुरी' (Kastoori) या सिनेमाची रिलीज डेट पुढे ढकलली आहे. आधी हा सिनेमा 3 नोव्हेंबर 2023 रोजी प्रेक्षकांच्या भेटीला येणार होता. अद्याप या सिनेमाची नवी रिलीज डेट समोर आलेली नाही. 'कस्तुरी' या सिनेमाची गेल्या कित्येक दिवसांपासून प्रेक्षक प्रतीक्षा करत होते. पण आता प्रेक्षकांना आणखी काही दिवस प्रतीक्षा करावी लागणार आहे.
सविस्तर बातमी वाचण्यासाठी क्लिक करा
Rinku Rajguru : 'सैराट' फेम रिंकू राजगुरू कधीच लग्न करणार नाही? आर्चीच्या 'त्या' उत्तराची सोशल मीडियावर रंगली चर्चा
Rinku Rajguru : अभिनेत्री रिंकू राजगुरू (Rinku Rajguru) नेहमीच कोणत्या ना कोणत्या कारणाने चर्चेत असते. 'सैराट' (Sairat) या सिनेमाच्या माध्यमातून अभिनेत्री घराघरांत पोहोचली आहे. पहिल्या सिनेमाने अभिनेत्री ब्रेक मिळाला. या सिनेमात तिने साकारलेली आर्चीची भूमिका प्रेक्षकांच्या पसंतीस उतरली. पण आता अभिनेत्री एका वेगळ्याच कारणाने चर्चेत आली आहे. 'सैराट' फेम रिंकू राजगुरू कधीच लग्न करणार नसल्याची चर्चा सोशल मीडियावर रंगली आहे.
सविस्तर बातमी वाचण्यासाठी क्लिक करा
Gaurav More : पढेगा इंडिया तो बढेगा इंडिया! 'महाराष्ट्राची हास्यजत्रा' फेम गौरव मोरेचा 'सलमान सोसायटी' लवकरच येणार प्रेक्षकांच्या भेटीला!
Gaurav More On Salman Society Movie : 'महाराष्ट्राची हास्यजत्रा' (Maharashtrachi Hasyajatra) फेम गौरव मोरे (Gaurav More) आता 'सलमान सोसायटी' (Salman Society) या सिनेमाच्या माध्यमातून प्रेक्षकांच्या भेटीला येणार आहे. या सिनेमात ती एका वेगळ्या आणि महत्त्वपूर्ण भूमिकेत दिसणार आहे. 17 नोव्हेंबर 2023 रोजी हा सिनेमा प्रेक्षकांच्या भेटीला येणार आहे.
सविस्तर बातमी वाचण्यासाठी क्लिक करा
Sundari : 'सुंदरी' सांभाळणार देशसेवा अन् आईपणाची जबाबदारी; मालिकेच्या नव्या पर्वाला सुरुवात
Sundari Marathi Serial Latest Update : 'सुंदरी' (Sundari) ही छोट्या पडद्यावरील लोकप्रिय मालिका आहे. गेल्या काही दिवसांपासून ही मालिका प्रेक्षकांचं चांगलच मनोरंजन करत आहे. आता या मालिकेच्या नव्या पर्वाला सुरुवात झाली आहे. मालिकेतील सुंदरी आता देशसेवा आणि आईपणाची जबाबदारी सांभाळणार आहे. ‘सुंदरी’ ही मालिका पहिल्या एपिसोडपासून प्रेक्षकांचे मनोरंजन करत आहे. प्रत्येक भागात कथेला एक वेगळं रुप मिळत गेल्यामुळे प्रेक्षक या मालिकेशी जोडले गेले. आता या मालिकेचं नवीन पर्व सुरु झाले आहे.