Sukesh Chandrasekhar: कोठडीतही सुटेना चैनीचा मोह, महागडी जिन्स आणि चप्पल काढून घेताच ढसाढसा रडला सुकेश चंद्रशेखर
नुकताच सुकेश चंद्रशेखरचा (Sukesh Chandrasekhar) दिल्लीमधील मंडोली कारागृहातील (Mandoli jail ) एक व्हिडीओ व्हायरल झाला आहे. या व्हिडीओमध्ये सुकेश हा भावूक झालेला दिसत आहे.
Sukesh Chandrasekhar: मनी लाँड्रिंग प्रकरणामुळे सुकेश चंद्रशेखर (Sukesh Chandrasekhar) हा गेले काही महिन्यांपासून अटकेत आहे. सुकेशने 200 कोटींच्या मनी लाँड्रिंगच्या पैशातून बॉलिवूड अभिनेत्रींना महागड्या भेटवस्तू दिल्या होत्या. नुकताच सुकेश चंद्रशेखरचा दिल्लीमधील मंडोली कारागृहातील (Mandoli jail) एक व्हिडीओ व्हायरल झाला आहे. या व्हिडीओमध्ये सुकेश हा भावूक झालेला दिसत आहे. एएनआयनं सुकेश चंद्रशेखरचा कारागृहातील एक व्हिडीओ सोशल मीडियावर शेअर केला आहे.
सुकेशच्या सेलमध्ये अढळल्या लक्झरी वस्तू
मंडोली कारागृहात अचानक टाकण्यात आलेल्या धाडीमध्ये सुकेश चंद्रशेखरच्या कोठडीमध्ये काही लक्झरी वस्तू अढळल्या. जेलर दीपक शर्मा आणि जयसिंह यांनी सीआरपीएफसह काल रात्री सुकेश ज्या सेलमध्ये आहे, त्या सेलमध्ये धाड टाकली. यामध्ये सुकेशकडे 80 हजार किंमत असलेल्या दोन जिन्स आणि 1.5 लाख रुपयांची कॅश अढळली. तसेच त्याच्या कोठडीत Gucci कंपनीची चप्पल देखील अढळली.
कारागृहाच्या अधिकाऱ्यांसमोर ढसाढसा रडला सुकेश
एएनआयनं सुकेशचा कारागृहातील व्हिडीओ ट्विटरवर शेअर करुन लिहिलं, 'कॉनमन सुकेश चंद्रशेखरच्या कोठडीमध्ये लक्झरी वस्तू सापडल्या. सूत्रांनी शेअर केलेले मंडोली कारागृहातील सीसीटीव्ही व्हिज्युअल्समध्ये सुकेशच्या कोठडीतमध्ये छापा टाकल्यानंतर सापडलेल्या वस्तू दिसत आहेत.' सुकेश चंद्रशेखरच्या कोठडीत अचानक धाड टाकल्यानंतर सुकेश हा कारागृहाच्या अधिकाऱ्यांसमोर ढसाढसा रडला.
एएनआयच्या आणखी एका ट्वीटमध्ये लिहिलं आहे, 'सुकेश चंद्रशेखरचे सीसीटीव्ही फुटेज लीक करणाऱ्या व्यक्तीवर जेल प्राधिकरण चौकशी करेल आणि कारवाई करेल, असं कारागृहाच्या अधिकाऱ्यांनी सांगितलं.'
पाहा व्हिडीओ:
#WATCH | Luxury items found in conman Sukesh Chandrasekhar’s jail cell. CCTV visuals from Mandoli jail shared by sources show Sukesh after raids caught items in his jail cell.
— ANI (@ANI) February 23, 2023
(Source: Mandoli Jail Administration) pic.twitter.com/Fr77ZAsGbF
The Jail Authority will conduct an enquiry and take action against the person who leaked the CCTV footage of conman Sukesh Chandrasekhar: Prison Officials
— ANI (@ANI) February 23, 2023
सुकेशने जॅकलीनला गिफ्ट म्हणून दिली बरीच जनावरं
सुकेश चंद्रशेखर या उद्योगपतीने एकूण 5 जनावरं जॅकलिनला गिफ्ट म्हणून दिल्याचं समोर आलं. त्यातल्या अरबी घोड्याची किंमत तब्बल 52 लाख आणि प्रत्येकी 9 लाख रुपये किंमत असलेली एकूण 36 लाखांच्या 4 पर्शियन मांजरांचाही समावेश आहे आणि ही सगळी माहिती, ईडीने दाखल केलेल्या आरोपपत्रामध्ये देण्यात आली.
महत्त्वाच्या इतर बातम्या :
जॅकलिन लाईनमध्ये आहे, पण तुला गर्लफ्रेन्ड बनवायची इच्छा; नोरा फतेहीला सुकेश चंद्रशेखरचा निरोप
महत्त्वाच्या बातम्या
ट्रेंडिंग न्यूज
