शाहरुख खान बॅक टू वर्क; 'मन्नत'च्या बालकनीत शूट करतानाचा व्हिडीओ व्हायरल

कोरोना व्हायरसच्या वाढत्या प्रादुर्भावामुळे लॉकडाऊन लागू करण्यात आला होता. त्यानंतर लॉकडाऊनच्या पाचव्या टप्प्यात शिथीलता दिल्यानंतर पुन्हा चित्रपटांच आणि मालिकांचं शिटिंग सुरु करण्यात आलं आहे.

मुंबई : लॉकडाऊनमध्ये आता हळूहळू शिथीलता देण्यात येत असून अटि-शर्थींसह अनेक उद्योगधंद्यांसह चित्रिकरणालाही परवानगी देण्यात आली आहे. याचसोबत बॉलिवूडचा किंग खान शाहरुख खाननेही आपल्या कामाला सुरुवात केली आहे. सोशल मीडियावर शाहरुख खानचा एक व्हिडीओ सध्या व्हायरल होत आहे. या व्हायरल व्हिडीओमध्ये शाहरुख खान आपल्या मुंबई 'मन्नत' बंगल्याच्या बालकनीतून शुटिंग करताना दिसून आला. या छोट्या व्हिडीओ क्लिपमध्ये शाहरुख शुटिंग करताना दिसत आहे.

व्हिडीओमध्ये शाहरुख खानने चेक्स फ्रिंट असलेलं शर्ट घातलं आहे. तो शुटिंग दरम्यान तो आपले हात उंचावून काहीतरी डायलॉग बोलत असल्याचं पाहायला मिळत आहे. शाहरुख आपल्या नव्या प्रोजेक्टसाठी शुटिंग करत आहे. अद्याप तो नक्की कोणत्या प्रोजेक्टसाठी शुटिंग करत आहे, ते समजलं नाही. शाहरुख खानचे फॅन्स पुन्हा एकदा त्याला स्क्रिनवर पाहण्यासाठी एक्सायटेड आहेत. लोक त्याच्या पुढच्या चित्रपटाबाबत जाणून घेण्यासाठी उत्सुक आहेत.

पाहा व्हिडीओ : कोरोनाचा वाढता प्रादुर्भाव लक्षात घेता किंग खानचं मन्नत बंगल्यातच शूटींग

शाहरुख खानचा हा व्हिडीओ त्याच्या फॅन क्लब पेजवरून शेअर करण्यात आला आहे. हा व्हिडीओ शेअर करताना लिहिलं आहे की, 'किंग खान बालकनीमध्ये दिसून आला. कोणी अंदाज बांधू शकतं का, नक्की काय सुरु आहे?' दरम्यान, शाहरुख खान एक वर्षांहूनही अधिक काळ मोठ्या पडद्यापासून गायब आहे. दरम्यान, त्याच्या प्रोडक्शन कंपनीने याकाळात अनेक हिट चित्रपट दिले आहेत.

जर वर्कफ्रंट बोलायचे झाले तर, शाहरुख खान 2018मध्ये रिलीज झालेल्या 'झिरो' या चित्रपटात दिसून आला होता. चित्रपटा बॉक्स ऑफिसवर फारशी कमाई करू शकला नाही. त्यानंतर मात्र, शाहरुख कोणत्याच चित्रपटात दिसला नाही. झिरो चित्रपटात शाहरुखसोबत अभिनेत्री अनुष्का शर्मा आणि कतरिना कैफ मुख्य भूमिकेत दिसून आल्या होत्या. हा चित्रपट आनंद एल राय यांनी दिग्दर्शित केला होता. त्यानंतर आता फॅन्स शाहरुखच्या नव्या चित्रपटाची वाट पाहत आहेत. असं सांगितलं जात आहे की, शाहरुख आर. माधवनच्या 'रोकेटरी'मध्ये स्पेशल अपिरियरन्स करणार आहे.

महत्त्वाच्या बातम्या :