Oscar 2023 : 'नाटू नाटू'वर एनटीआर अन् राम चरण नाही...तर 'ही' हॉलिवूड डान्सर थिरकणार

Oscar 2023 : 'ऑस्कर 2023'मध्ये 'आरआरआर' सिनेमातील 'नाटू नाटू' या गाण्याला ओरिजनल सॉन्ग या विभागात नामांकन मिळालं आहे.

Oscar 2023

Oscars 2023 RRR Movie Naatu Naatu Song : 'ऑस्कर 2023' (Oscars 2023) या पुरस्कार सोहळ्याकडे संपूर्ण सिनेजगताचं लक्ष लागलं आहे. यंदाचा पुरस्कार सोहळा भारतासाठी खूपच खास आहे. एसएस राजामौलीच्या 'आरआरआर' (RRR) सिनेमातील 'नाटू नाटू' (Naatu Naatu) या गाण्याला ओरिजनल सॉन्ग (Best Score Academy Award) या विभागात नामांकन मिळालं आहे. परदेशातदेखील या गाण्याची क्रेझ पाहायला मिळत आहे. ऑस्कर पुरस्कार सोहळ्याच्या मंचावर राम चरण (Ram Charan) आणि ज्युनिअर एनटीआर (Jr NTR) 'नाटू नाटू' गाण्यावर थिरकणार असल्याची माहिती समोर आली होती. पण आता डान्सर लॉरेन गॉटलिब (Lauren Gottlieb) या गाण्यावर थिरकणार असल्याचं समोर आलं आहे.

लॉकेन गॉटलिब थिरकणार 'नाटू-नाटू' गाण्यावर 

'झलक दिखला झा' या छोट्या पडद्यावरील लोकप्रिय कार्यक्रमात आपल्या नृत्याने सर्वांना घायाळ करणारी नृत्यांगना लॉरेन गॉटलिब 12 मार्चला ऑस्कर पुरस्कार सोहळ्यात 'आरआरआर' (RRR) सिनेमातील 'नाटू नाटू' (Naatu Naatu) या लोकप्रिय गाण्यावर थिरकताना दिसणार आहे. 

लॉरेनने सोशल मीडियावर खास पोस्ट शेअर करत यासंदर्भात माहिती दिली आहे. तिने लिहिलं आहे,"खास बातमी... 'ऑस्कर 2023' या पुरस्कार सोहळ्यात मी 'नाटू नाटू' या गाण्यावर डान्स करणार आहे. जगातील सर्वात प्रतिष्ठित मंचावर भारताचं प्रतिनिधित्व करण्यासाठी मी खूप उत्सुक आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by Lauren Gottlieb (@laurengottlieb)

सिनेप्रेमींना 'ऑस्कर 2023'ची प्रतीक्षा

'नाटू नाटू' या गाण्यावर थिरकणारी लॉरेन याआधी रेमो डिसूजाच्या 'एबीसीडी : अॅनी बडी कॅन डान्स' (ABCB Any Body Can Dance) या सिनेमात दिसली आहे. आपल्या नृत्याने तिने चाहत्यांची मने जिंकली आहेत.

ज्युनियर एन्टीआर आणि राम चरण सध्या 'आरआरआर' सिनेमाच्या टीमसोबत अमेरिकेत आहेत. नुकतच एका मुलाखतीत ज्यनियर एनटीआर म्हणाला की, तो आणि राम चरण 'ऑस्कर 2023'मध्ये 'नाटू नाटू' या गाण्यावर थिरकणार नाहीत. सध्या ते अमेरिकेत 'आरआरआर' या सिनेमाचं जोरदार प्रमोशन करत आहेत. 

'नाटू-नाटू' या गाण्याचं शूटिंग युक्रेनमध्ये झालं आहे. वोलोडिमिर झेलेन्स्की यांच्या निवासस्थानाबाहेर या गाण्याचं शूटिंग झालं आहे. ऑस्करआधी 'नाटू नाटू' या गाण्याने गोल्डन ग्लोब पुरस्कार सोहळ्यात (Golden Globe Awards 2023) सर्वोत्कृष्ट ओरिजिनल सॉंग मोशन पिक्चर या कॅटेगरीमध्ये पुरस्कार पटकावला होता. 

संबंधित बातम्या