Kunal Khemmu : कुणाल खेमू आणि सोहा अली खानसोबत गैरवर्तन, भररस्त्यात अज्ञात कारचालकाकडून शिवीगाळ

Kunal Khemmu : कुणाल खेमू आणि सोहा अली खानसोबत रविवारी सकाळी एक वाईट घटना घडली आहे.

Kunal - soha

Kunal Khemmu : कुणाल खेमू (Kunal Khemmu) आणि सोहा अली खान (Soha Ali Khan) ही बॉलिवूडची लोकप्रिय जोडी आहे. त्या दोघांचा सोशल मीडियावर चाहतावर्गदेखील मोठा आहे. त्यांना इनाया नावाची एक गोड मुलगी आहे. कुणाल आणि सोहा नेहमीच इनायासोबतचे फोटो सोशल मीडियावर चाहत्यांसोबत शेअर करत असतात. रविवारी सकाळी कुणाल खेमूसोबत एक वाईट घटना घडली आहे. कुणालने सोशल मीडियावर पोस्ट शेअर करत यासंदर्भात माहिती दिली आहे. 

कुणालने एका कारचा फोटो शेअर करत लिहिले आहे,"रविवारी सकाळी नऊ वाजता पत्नी सोहा आणि मुलगी इनायासोबत नाश्ता करण्यासाठी जुहूला जात असताना वाटेत एका व्यक्तीने आमच्यासोबत गैरवर्तन केले. एक अज्ञात कारचालक मुद्दाम आम्हाला ओव्हरटेक करण्याचा प्रयत्न करत होता. त्यानंतर त्याने माझ्या गाडीसमोर त्याची कार थांबवली".

This morning at 9 am I took my wife daughter and my neighbour along with her two toddlers for breakfast and on the way in Juhu this PY registered car driver was driving recklessly not just honking and trying to overtake but then suddenly braking in front of my car. pic.twitter.com/3s48G153XK

— kunal kemmu (@kunalkemmu) March 6, 2022

कुणालने पुढे लिहिले आहे,"कार थांबवून तो व्यक्ती कारमधून बाहेर आला. आणि शिवीगाळ केली. ही घटना रेकॉर्ड करण्यासाठी मी खिशातून फोन काढला. पण तोपर्यंत तो व्यक्ती गाडीतून निघून गेला. मी मुंबई पोलिसांना विनंती करतो की, या माणसावर कडक कारवाई करावी".

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha