Killer Soup Trailer Out: मनोज वाजपेयी आणि कोंकणाचा जबरदस्त अभिनय; 'किलर सूप'चा धमाकेदार ट्रेलर रिलीज
'किलर सूप' (Killer Soup) या चित्रपटाची प्रेक्षक उत्सुकतेने वाट बघत आहेत.या वेब सीरिजचा ट्रेलर रिलीज झाला आहे.
Killer Soup Trailer Out: बॉलिवूडमधील प्रसिद्ध अभिनेते मनोज वाजपेयी (Manoj Bajpayee) आणि अभिनेत्री कोंकणा सेन शर्मा (Konkona Sen Sharma) यांच्या 'किलर सूप' (Killer Soup) या वेब सीरिजची प्रेक्षक उत्सुकतेने वाट बघत आहेत. या वेब सीरिजचा टीझर काही दिवसांपूर्वी प्रेक्षकांच्या भेटीला आला होता. आता या वेब सीरिजचा ट्रेलर रिलीज झाला आहे. या ट्रेलरमधील मनोज आणि कोंकणा यांचा जबरदस्त अभिनय बघायला मिळत आहे.
ट्रेलरमधील डायलॉग्सनं वेधलं लक्ष (Killer Soup Trailer Out)
'किलर सूप' या वेब सीरिजच्या ट्रेलरच्या सुरुवातीला मनोज वाजपेयी हे बॉम्बे चित्रपटातील 'तू ही रे' हे गाणं गाताना दिसत आहे. त्यांच्या चेहऱ्यावर पट्टी बांधलेली दिसत आहे. त्यानंतर कोंकणा आणि मनोज हे छत्री धरुन उभारलेले दिसत आहेत. मनोज वाजपेयी यांचा किलर सूप या वेब सीरिजमध्ये डबल रोल असणार आहे, असा अंदाज हा ट्रेलर पाहिल्यानंतर लावला जाऊ शकतो. ट्रेलरमधील डायलॉग्सनं देखील नेटकऱ्यांचे लक्ष वेधले आहे.
'किलर सूप'च्या ट्रेलरला मिळाली नेटकऱ्यांची पसंती
नस्सर आणि सयाजी शिंदे या कलाकारांची देखील किलर सूप या वेब सीरिजच्या ट्रेलरमध्ये झलक बघायला मिळते. थ्रिलर आणि कॉमेडी यांचा तडका 'किलर सूप' या वेब सीरिजमध्ये बघायला मिळणार आहे, असा अंदाज या सीरिजचा ट्रेलर पाहिल्यानंतर लावला जाऊ शकतो. नेटफ्लिक्सच्या इन्स्टाग्राम अकाऊंटवरुन 'किलर सूप' या वेब सीरिजचा ट्रेलर शेअर करण्यात आला आहे. 'उमेश आणि स्वाती वर्षातील सर्वात विचित्र क्राईम थ्रिलर आणत आहेत आणि गुपिते उलगडणार आहे!', असं कॅप्शन या ट्रेलरला देण्यात आलं आहे. या ट्रेलरवर नेटकऱ्यांनी लाइक्स आणि कमेंट्सचा वर्षाव केला आहे.
पाहा ट्रेलर:
View this post on Instagram
कधी रिलीज होणार किलर सूप?
11 जानेवारी 2024 रोजी मनोज वाजपेयी आणि कोंकणा सेन शर्मा यांची किलर सूप ही वेब सीरिज प्रेक्षकांच्या भेटीला येणार आहे. प्रेक्षक या वेब सीरिजची उत्सुकतेने वाट बघत आहेत. अभिषेक चौबे यांनी किलर सूप या वेब सीरिजचं दिग्दर्शन केलं आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
