Kiara Advani: कियारा अडवानी वापरते सोन्याचा ब्रश? 'टेल मी यु आर सिंधी..' म्हणत स्टोरी टाकताच चाहते चमकले, काय केलीय पोस्ट?
सोनेरी चमकणारा ब्रश दाखवत तिनं एक मिरर सेल्फी काढलाय. तिची पोस्ट सध्या चर्चेत आहे.
Kiara Advani: बॉलिवूड स्टार कियारा अडवानी आपल्या सौंदर्यानंच नव्हे तर आपल्या अभिनयानंही चाहत्यांना भुरळ घालते. अलिकडेच तिनं तिच्या स्टोरीवर एक फोटो शेअर केला. आपल्या सोनेरी रंगाच्या ब्रशचा फोटो टाकत तिनं तुम्ही सिंधी आहात हे सिंधी न म्हणता सांगा.. असं लिहिलंय. त्यामुळं आता चाहत्यांमध्ये कियारा सोन्याचा ब्रश वापरते की काय! अशी चर्चा रंगली आहे. टेल मी विदाऊट टेलिंग हा सध्या सोशल मीडियावर ट्रेंड सुरु आहे. यात आधी भाषा बोलण्याची ढब दाखवत अनेकांनी रील्स पोस्ट केल्या हेात्या. नंतर टेल मी विदाऊट टेलिंग असं म्हणत विनोदी प्रकारे अनेकजण हा ट्रेंड फॉलो करताना दिसतात.
टेल मी यु आर सिंधी...
सिंधी असल्यानं कियारानं एक विनोदी पोस्ट शेअर करत एक स्टोरी शेअर केली. यात सोनेरी चमकणारा ब्रश दाखवत तिनं एक मिरर सेल्फी काढलाय. या पोस्टवर तिनं वर 'टेल मी यु आर सिंधी विदाऊट टेलिंग मी यु आर सिंधी' असं टाकलंय. या पोस्टची सध्या चाहत्यांमध्ये जोरदार चर्चा आहे. चमकदार गोष्टींच्या सहज प्रेमात पडणारे सिंधींना रिलेट होणारी ही पोस्ट कियारानं केली आहे.
आईच्या हातचं जेवण, सिंधी मेजवानी
यापूर्वीही अशीच पोस्ट करत चाहत्यांना कियारानं सिंधी जेवणाची झलक दाखवली होती. यापूर्वी कियारानं आपल्या इंस्टाग्रॅम स्टोरीला सिंधी जेवणाची मेजवानी शेअर करत कुरकुरीत बटाटा, सिंधी करी. भेंडी फ्राय, वाफाळलेला भात असं पारंपरिक सिंधी स्वादिष्ट पदार्थांनी भरलेल्या प्लेटचा फोटो शेअर केला हेाता. त्यावर तिनं "कधीकधी तुम्हाला फक्त आईच्या घरच्या जेवणाची गरज असते," असं लिहिलं होतं.
कियाराला माहीत नाहीत दक्षिण भारतातील राज्यांची नावं
'नंबर 1 यारी' शो गेल्या वर्षी रिलीज झाला होता. 'नंबर 1 यारी' शोमधील सीझनच्या शेवटच्या एपिसोडमध्ये राम चरण आणि कियारा आले होते. 2023 मध्ये प्रसारित झालेल्या या एपिसोडमध्ये अनेक खास क्षण होते. ही मुलाखत आता पुन्हा एकदा चर्चेत आली आहे. अलीकडेच एका रेडिट (Reddit) युजरने एपिसोडमधील एक क्लिप शेअर केली ज्यामध्ये तिला दक्षिण भारतातील राज्यांची नावे सांगता आली नाही. राणा आणि राम यांनी कियाराला दक्षिण भारताबद्दल काही प्रश्न विचारले आणि तिला दक्षिण भारतीय राज्यांची नावे विचारली, पण कियाराच्या उत्तरामुळे ती सर्वांच्याच निशाण्यावर आली आहे.
महत्त्वाच्या बातम्या
ट्रेंडिंग न्यूज
