Katrina Kaif and Vicky Kaushal Wedding : लग्नाची बातमी खरी! कतरिना आणि विकीच्या लग्नासाठी राजस्थान प्रशासनाची लगीनघाई
Katrina kaif and vicky kaushal wedding : अभिनेत्री कतरिना कैफ आणि विकी कौशलच्या लग्नासाठी राजस्थान प्रशासनानं तयारी सुरु केली आहे. सवाई माधोपूरच्या अतिरिक्त जिल्हाधिकाऱ्यांचं पत्र व्हायरल होतं आहे.
Katrina Kaif and Vicky Kaushal Wedding : अभिनेत्री कतरिना कैफ आणि विकी कौशलच्या लग्नाच्या तयारीसाठी राजस्थान प्रशासनानं लगीनघाई सुरु केलं आहे. सोशल मीडियावर सवाई माधोपूरच्या अतिरिक्त जिल्हाधिकाऱ्यांचं पत्र व्हायरल होतं आहे. आतापर्यंत कतरिना कैफ आणि विकी कौशलच्या लग्नाच्या केवळ जोरदार चर्चा होत्या. कतरिना आणि विकी यांचा तीन दिवस चालणारा शाही विवाह सोहळा राजस्थानमध्ये होणार अशी चर्चा होती. राजस्थान सवाई माधोपूर येथे 7 ते 9 डिसेंबर दरम्यान पार पडणार असल्याचं बोललं जात होतं. अद्याप कतरिना आणि विकीने लग्नाबाबत कोणतीही अधिकृत घोषणा केलेली नाही. मात्र आता ही बातमी खरी ठरली आहे. राजस्थान जिल्हा प्रशासनानं शाही विवाह सोहळ्याची जोरदार तयारी सुरु केली आहे.
मीडिया रिपोर्टनुसार, सवाई माधोपूरच्या अतिरिक्त जिल्हाधिकाऱ्यांचं एक पत्र सध्या सोशल मीडियावर जोरदार व्हायरल होतं आहे. या पत्रामुळे कतरिना आणि विकीच्या लग्नाच्या बातमीवर शिक्कामोर्तब झाला आहे. या पत्रामध्ये कतरिना आणि विकीच्या लग्नाच्या पार्श्वभूमीवर जिल्हा प्रशासनाची बैठक बोलवण्यात आली आहे. कतरिना आणि विकीचे अनेक चाहते आहेत. त्यामुळे लग्नासाठी त्यांचे चाहते गर्दी करण्याची शक्यता आहे. शिवाय या सोहळ्याला अनेक दिग्गज कलाकार उपस्थित राहणार असल्यानं जिल्हा प्रशासनानं चोख सुरक्षेच्या दृष्टीने पाऊलं उचलण्यास सुरुवात केली आहे. यासाठी 3 डिसेंबरला जिल्हा प्रशासनाची बैठक बोलवण्यात आली आहे. सोशल मीडियावर व्हायरल होणाऱ्या पत्रात लग्नाच्या तयारीसंदर्भात चर्चा करण्यासाठी बैठकीचं आयोजन करण्यात आल्याचं लिहीलं आहे.
शाही विवाह सोहळ्याआधी कोर्ट मॅरेज
मीडिया रिपोर्टनुसार, कतरिना आणि विकी राजस्थानमध्ये होणाऱ्या शाही विवाह सोहळ्याआधी कोर्ट मॅरेज करणार असल्याचं बोललं जातंय. सर्व प्रथा परंपरेने लग्न करण्यापूर्वी कतरिना आणि विकीने मुंबईत कोर्ट मॅरेज करण्याचा निर्णय घेतला आहे. कतरिना आणि विकी शाही विवाह सोहळ्यासाठी राजस्थानला रवाना होण्यापूर्वी मुंबईत कोर्ट मॅरेज करणार असल्याची माहिती आहे.
ही जोडी कुटुंबातील काही निवडक व्यक्ती आणि मित्रपरिवाराच्या उपस्थितीत राजस्थानमध्ये शाही विवाह करणार आहेत. कतरिना आणि विकीच्या लग्नासाठी त्यांचे चाहते अधिक उत्सुक आहेत.
संबंधित बातम्या :
- Katrina Kaif & Vicky Kaushal wedding : कतरिना आणि विकीच्या लग्नाला येणाऱ्या पाहुण्यांसाठी 'या' अटी, ऐकून व्हाल थक्क!
- Vicky Kaushal-Katrina Kaif Wedding: विकी कौशल-कतरिना कैफच्या लग्नाचा मुहूर्त ठरला; वऱ्हाड्यांची यादीही ठरली
- Katrina Kaif Vicky Kaushal Wedding : अभिनेत्री कतरिना कैफ आणि विकी कौशल डिसेंबरमध्ये नाही 'या' दिवशी करणार लग्न
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
