Kannada actor Nagabhushana: कन्नड अभिनेत्याच्या कारने जोडप्याला दिली धडक, अपघातात महिलेचा मृत्यू, गुन्हा दाखल
Kannada actor Nagabhushana: नागभूषणच्या कारने फूटपाथवरून चालत जाणाऱ्या जोडप्याला धडक दिली. या अपघातात महिलेचा मृत्यू झाला आहे.
Kannada actor Nagabhushana: कन्नड चित्रपटसृष्टीतील अभिनेता नागभूषणच्या (Nagabhushana) कारचा काल अपघात झाला. काल रात्री नागभूषणच्या कारने फूटपाथवरून चालत जाणाऱ्या जोडप्याला धडक दिली. या अपघातात महिलेचा मृत्यू झाला आहे, तर तिचा पती गंभीर अवस्थेत रुग्णालयात असून त्याच्यावर उपचार सुरू आहेत. या अपघातानंतर पोलिसांनी नागभूषणवरही गुन्हा दाखल केला असून या प्रकरणाचा सध्या तपास सुरू आहे.
शनिवारी रात्री एक जोडपे फूटपाथवर वॉक करत होते. त्यावेळी नागभूषणच्या कारने त्या जोडप्याला धडक दिली. जोडप्याला धडक दिल्यानंतर नागभूषणची कार फूटपाथवरील विजेच्या खांबाला धडकली. बंगळुरूच्या वसंत पुरी मेन रोडवर हा अपघात झाला. नागभूषण हा उत्तरहल्लीहून कोननकुंटेकडे जात होता त्यावेळी हा अपघात झाला. या अपघातानंतर नागभूषण स्वत: जखमी झालेल्या जोडप्याला घेऊन रुग्णालयात घेऊन गेले. यावेळी 48 वर्षीय प्रेमाचा रुग्णालयात नेत असतानाच मृत्यू झाला. प्रेमाचे पती कृष्णा यांच्या दोन्ही पायांना, डोक्याला आणि पोटाला दुखापत झाली असून त्यांची प्रकृती चिंताजनक आहे. कृष्णा यांच्यावर बेंगळुरू येथील खासगी रुग्णालयात उपचार सुरू आहेत. या अपघातानंतर बेंगळुरूमधील कुमारस्वामी ट्रॅफिक पोलिस स्टेशनमध्ये एफआयआर दाखल करण्यात आला आहे. या प्रकरणी पोलिसांनी नागभूषण यांच्यावर ओव्हरस्पीडिंग आणि निष्काळजीपणाचा आरोप करण्यात आला आहे. या प्रकरणाचा तपास सुरू आहे.
जाणून घ्या नागभूषणबद्दल...
नागभूषणनं अनेक कन्नड चित्रपटांमध्ये काम केलं आहे. 2018 मध्ये रिलीज झालेल्या 'संकष्ट करा गणपती' या चित्रपटामधून त्यानं अभिनय क्षेत्रात पदार्पण केलं. त्याने 'युवारत्न', 'लकी मॅन' आणि 'डेअरडेविल मुस्तफा' यांसारख्या चित्रपटांमध्ये काम केले आहे. 'बडावा रास्कल' या चित्रपटामधील त्याच्या अभिनयाचं अनेकांनी कौतुक केलं. 'इक्कत' या चित्रपटासाठी त्याला मागील वर्षी सर्वोत्कृष्ट नवोदित अभिनेत्याचा SIIMA पुरस्काराने सन्मानित करण्यात आले होते. कौसल्या सुप्रजा रामा हा त्याचा चित्रपट काही महिन्यांपूर्वी प्रेक्षकांच्या भेटीस आला. नागभूषण यांची प्रमुख भूमिका असलेला कन्नड चित्रपट 'तगारू पल्या' नोव्हेंबरमध्ये प्रदर्शित होणार आहे.
View this post on Instagram
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
