Vijay Raghavendra Wife Spandana : दाक्षिणात्य अभिनेता विजय राघवेंद्रवर कोसळला दु:खाचा डोंगर; पत्नी स्पंदनाचे हृदयविकाराच्या झटक्याने निधन
अभिनेता विजय राघवेंद्रची (Vijay Raghavendra) पत्नी स्पंदना राघवेंद्रचे (Spandana Raghavendra) हृदयविकाराच्या झटक्याने निधन झाले आहे.
Vijay Raghavendra Wife Spandana Passes Away: दाक्षिणात्य चित्रपटसृष्टीतील अभिनेता विजय राघवेंद्रची (Vijay Raghavendra) पत्नी स्पंदना राघवेंद्रचे (Spandana Raghavendra) हृदयविकाराच्या झटक्याने निधन झाले. रिपोर्टनुसार, विजय राघवेंद्र आणि स्पंदना हे जोडपे थायलंडमध्ये असताना स्पंदनाला हृदयविकाराचा झटका आला. लो ब्लड प्रेशरमुळे स्पंदनाला हृदयविकाराचा झटका आला, असं म्हटलं जात आहे. स्पंदनाचे पार्थिव उद्या भारतात आणण्यात येणार आहे.
विजय राघवेंद्र आणि स्पंदना यांनी 26 ऑगस्ट 2007 रोजी लग्नगाठ बांधली. विजय राघवेंद्र आणि स्पंदना यांच्या लग्नाच्या 16 व्या वाढदिवसाच्या 19 दिवस आधीच स्पंदनाने जगाचा निरोप घेतला आहे. विजय राघवेंद्र आणि स्पंदना यांना शौर्य नावाचा मुलगा आहे.
स्पंदना ही सहाय्यक पोलिस आयुक्त बी.के. शिवराम यांची मुलगी होती. विजय राघवेंद्र हा स्पंदना आणि शौर्यसोबतचे फोटो सोशल मीडियावर शेअर करत असतो. स्पंदनाच्या निधनानं राघवेंद्र कुटुंबावर शोककळा पसरली आहे. स्पंदनाचे पार्थिव उद्या (8 ऑगस्ट) बंगळुरूला आणण्यात येणार असल्याचं म्हटलं जात आहे.
विजय राघवेंद्र हा कन्नड चित्रपटसृष्टीतील प्रसिद्ध अभिनेता आहे. डान्स कर्नाटक डान्स या कार्यक्रमाचे त्यानं परीक्षण केले आहे. विजय राघवेंद्रनं अनेक चित्रपटांमध्ये काम केलं आहे तसेच त्यानं काही रिअॅलिटी शोमध्ये देखील सहभाग घेतला होता. तसेच 2016 मध्ये प्रदर्शित झालेल्या "अपूर्व" या चित्रपटात विजय राघवेंद्रची पत्नी स्पंदनाने भूमिका साकारली होती.
अनेक नेटकऱ्यांनी सोशल मीडियाच्या माध्यमातून स्पंदनाला श्रद्धांजली वाहिली आहे. सय्यद नसीर हुसेन यांनी देखील ट्वीट शेअर करुन स्पंदनाला श्रद्धांजली वाहिली.
ಕನ್ನಡದ ಹೆಸರಾಂತ ನಟ ವಿಜಯ ರಾಘವೇಂದ್ರ ಅವರ ಪತ್ನಿ, ಕಾಂಗ್ರೆಸ್ ನಾಯಕರಾದ ಬಿಕೆ ಹರಿಪ್ರಸಾದ್ ಅವರ ಸಹೋದರ ಶಿವರಾಂ ಅವರ ಮಗಳು ಸ್ಪಂದನ ಅವರು ಬ್ಯಾಂಕಾಕ್ ನಲ್ಲಿ ಹೃದಯಾಘಾತದಿಂದ ಮರಣವನಪ್ಪಿದ್ದು ಸಂತಾಪಗಳನ್ನು ಅರ್ಪಿಸುತ್ತೇನೆ#spandana #vijayraghavendra pic.twitter.com/hzrwi5XGKj
— Dr Syed Naseer Hussain,MP Rajya Sabha (@NasirHussainINC) August 7, 2023
A Big Shock to the Sandalwood Industry, #VijayaRaghavendra's wife #Spandana Raghavendra has died of a heart attack at a hospital in Bangkok.
— Team Kiccha Sudeep ® (@TeamKiccha) August 7, 2023
ಓಂ ಶಾಂತಿ 🙏🏻#KicchaSudeep #Kicchcha46 pic.twitter.com/VwtnlXK45q
ह्रदयविकाराच्या घटनांमध्ये गेल्या काही दिवसांपासून वाढ झाली असून ही चिंतेची बाब आहे. विजयचा चुलत भाऊ अभिनेता पुनीत राजकुमारचे ऑक्टोबर 2021 मध्ये हृदयविकाराच्या झटक्याने निधन झाले.
वाचा इतर महत्वाच्या बातम्या:
महत्त्वाच्या बातम्या
