Kamaal Rashid Khan : 'दहा दिवस फक्त पाणी प्यायलो, दहा किलो वजन झाले कमी'; केआरकेनं सांगितला कारागृहात असतानाचा अनुभव

जवळपास दहा दिवसांनी केआरकेला जामीन मिळाला. नुकतेच कमाल आर खाननं (Kamaal Rashid Khan) एक ट्वीट शेअर केले आहे.

Kamaal Rashid Khan

Kamaal Rashid Khan : कमाल आर खान (Kamaal Rashid Khan) उर्फ ​​केआरकेला काही दिवसांपूर्वी 2020 मध्ये केलेल्या वादग्रस्त ट्वीट प्रकरणी आणि चित्रपटात काम देतो असं सांगून महिलेचा विनयभंग केल्याप्रकरणी पोलिसांनी अटक केली होती. जवळपास दहा दिवसांनी केआरकेला जामीन मिळाला. दहा दिवसांमध्ये कारागृहात आलेला अनुभव केआरकेनं (KRK) एक ट्वीट शेअर करुन सांगितला. या ट्वीटमध्ये केआरकेनं कारागृहातील अनुभव सांगितला. 

केआरके म्हणाली, 'दहा दिवस फक्त पाणी प्यायलो'
केआरकेनं त्याच्या ट्विटर अकाऊंटवरुन एक ट्वीट शेअर केला आहे. या ट्वीटमध्ये केआरकेनं लिहिलं, 'कारागृहात दहा दिवस मी फक्त पाणी पिऊन काढले. त्यामुळे माझं वजन दहा किलो कमी झालं.' केआरकेच्या या ट्वीटनं अनेकांचे लक्ष वेधले. 

नेटकऱ्यांनी दिली रिअॅक्शन 
एका नेटकऱ्यानं केआरकेच्या ट्वीटला कमेंट केली, 'आम्ही काय करु मग, अजून वेगवेगळे ट्वीट कर, मी तिथे असले असते तर तुला पणी पण दिलं नसतं.' तर दुसऱ्या युझरनं लिहिलं,  आता तरी तू निट वागशील, अशी आशा आहे'

I was surviving with only water for 10 days in lockup. So I have lost 10 kg weight.

— KRK (@kamaalrkhan) September 13, 2022

जामीन मिळाल्यानंतर देखील केआरकेनं एक ट्वीट शेअर केलं होतं. या ट्वीटमध्ये त्यानं लिहिलं होतं, 'मीडिया नव्या स्टोरीज बनवत आहे. मी परत आलो आहे आणि माझ्या घरी मी सुरक्षित आहे. मला कोणाचाही बदला घ्यायचा नाहीये.  माझ्यासोबत जे काही वाईट घडले ते मी विसरलो आहे. हे माझ्या नशिबात लिहिले होते, असं मी समजतो.' 

सितम,मुन्ना पांडे बेरोजगार,देशद्रोही, एक व्हिलन यांसारख्या चित्रपटांमध्ये कमाल आर खाननं सहाय्यक अभिनेत्याची भूमिका साकारली. यामधील देशद्रोही या चित्रपटाची निर्मिती देखील कमालनं केली होती. 2009 मध्ये रिलीज झालेल्या बिग बॉस या छोट्या पडद्यावरील कार्यक्रमाच्या तिसऱ्या सिझनमध्ये कमाल आर खाननं सहभाग घेतला होता. हिंदी आणि  भोजपुरी चित्रपटांमध्ये त्यानं काम केलं.

बॉलिवूडमधील कलाकारांबद्दल अक्षेपार्ह वक्तव्य कमाल करत असतो. त्याच्या ट्विट्सची आणि पोस्टची चर्चा सोशल मीडियावर होत असते. तसेच वेगवेगळ्या बॉलिवूड चित्रपटांचे रिव्ह्यू देखील तो सोशल मीडियावर शेअर करतो. 

वाचा इतर महत्वाच्या बातम्या :