Kajol: काजोलनं घेतला मोठा निर्णय; पोस्ट शेअर करत म्हणाली, 'आयुष्यातील सर्वात कठीण टप्प्यातून जात आहे....'
अभिनेत्री काजोलनं (Kajol) सोशल मीडियाच्या संदर्भात मोठा निर्णय घेतला आहे.
Kajol Delete Insta Post: सोशल मीडिया या माध्यमाचा वापर अनेक लोक जगासमोर व्यक्त होण्यासाठी करतात. अनेक सेलिब्रिटी त्यांच्या आयुष्यातील घडामोडी सोशल मीडियाच्या माध्यामातून त्यांच्या चाहत्यांच्या समोर मांडत असतात. अशातच आता अभिनेत्री काजोलनं (Kajol) सोशल मीडिया संदर्भात मोठा निर्णय घेतला आहे. काजोल ही सोशल मीडियावरुन ब्रेक घेत आहे. काजोलनं एक पोस्ट शेअर करुन याबाबत माहिती दिली आहे.
काजोलनं इन्स्टाग्रामवर एक पोस्ट शेअर केली. या पोस्टमध्ये तिनं लिहिलं, 'माझ्या आयुष्यातील सर्वात कठीण टप्प्यातून जात आहे.' या पोस्टला काजोलनं कॅप्शन दिलं, मी सोशल मीडियावरुन ब्रेक घेत आहे.
काजोलनं इन्स्टाग्रामवरील सर्व पोस्ट डिलीट केल्या आहेत. काजोलनं सोशल मीडियावरुन ब्रेक घेण्याचा निर्णय का घेतला आहे? असा प्रश्न आता तिच्या चाहत्यांना पडला आहे.
नेटकऱ्यांच्या कमेंट्स
काजोलनं शेअर केलेल्या पोस्टला अनेक नेटकऱ्यांनी कमेंट्स केल्या आहेत. एका नेटकऱ्यानं कमेंट केली, 'मला माहित नाही की असे काय झाले ज्यामुळे तू हा निर्णय घेतला, आम्ही तुझे चाहते आहोत आणि तुझ्या चाहत्यांचे तुझ्यावर प्रेम आहे, त्यामुळे आम्ही तुला शुभेच्छा देतो' तर दुसऱ्या युझरनं कमेंट केली, 'काळजी घे'
View this post on Instagram
काजोल ही इन्स्टाग्रामवर अॅक्टिव्ह होती. तिला इन्स्टाग्रामवर 14.4 मिलियन्स फॉलोवर्स आहेत. आता काजोलनं इन्स्टाग्रामवरील सर्व फोटो डिलीट केल्यानं तिचे फॉलोवर्स कमी होतील का? असा प्रश्न सध्या अनेकांना पडला आहे.
काजोलचे चित्रपट
काही दिवसांपूर्वी काजोलचा 'सलाम वेंकी' हा चित्रपट प्रेक्षकांच्या भेटीस आला होता. या चित्रपटाला प्रेक्षकांची पसंती मिळाली होती. लवकरच काजोलचा लस्ट स्टोरी-2 हा चित्रपट प्रेक्षकांच्या भेटीस येणार आहे. हा चित्रपट नेटफ्लिक्स या ओटीटी प्लॅटफॉर्मवर प्रदर्शित होणार आहे. काजोलसोबतच तमन्ना भाटिया (Tamannaah Bhatia), विजय वर्मा, तिलोतमा शोम, अमृता शुभाश, अंगद बेदी, कुमुद मिश्रा, मृणाल ठाकूर आणि नीना गुप्ता (Neena Gupta) या कलाकारांनी देखील लस्ट स्टोरीज-2 या चित्रपटामध्ये प्रमुख भूमिका साकारली आहे.
वाचा इतर महत्वाच्या बातम्या:
Lust Stories 2 Teaser: 'लस्ट स्टोरीज-2' चा टीझर रिलीज; तमन्ना, मृणाल आणि काजोल प्रमुख भूमिकेत
महत्त्वाच्या बातम्या
